Genesis 6:8 - Yak'usda Ooghuni

⁸ ꞋEt hoontsꞌi Nowe ꞌen Moodihti (Yahweh) oonalh ndi ye netsꞌun unzoo-i ꞌet nahoonꞌai.

Genesis 6:8 Iomraidhean Croise

Genesis 19:19

ꞋAndit nohba ꞌutꞌen-un nohba unzoo be teꞌ nuhzun-i be ꞌonus whusunilhtan be khusna-i ba sulhyih, ꞌet hoontsꞌi ꞌaw ndo dzulh kꞌuz toosyaꞌ ꞌaitꞌoh doo ka si hoontsiꞌ sulh ꞌuhoneh ꞌinkꞌez la daoosah.

Matthew 24:37

ꞋOh daꞌ Noah khuna daꞌ, dune dahíntꞌoh la, ꞌet whuz unꞌa za ꞌuwhutátꞌelh whe Yinka Dune Yeꞌ whusanátidalh.

Luke 1:30

ꞋInkꞌez lizas uyúlhni, “Mary niljut iloh! Yakꞌusda nyulh hoontꞌiꞌ.

Luke 17:26

ꞋEt Noah oodzin whudizulh daꞌ, dahoontꞌoh inleꞌ la, ꞌet whuz unꞌa za Yinka Dune Yeꞌ oodzin ꞌet nduwhútatꞌelh.

Acts 7:46

ꞋEn Yakꞌusda ba unzoo ꞌinka Yakꞌusda oodulhkut, ‘ꞋAw eh ꞌudun yoh mba néhosꞌalh ꞌaítꞌoh? ꞋIlhiz wheni ꞌet whutáꞌalh-un.’ Yakꞌusda David ꞌinkꞌez ootsodaꞌ-un Jacob, yutsꞌu ténadidli-un, ꞌen za ꞌuntꞌoh.

Romans 11:6

ꞋInkꞌez Yakꞌusda ye únzoo-i be uzdijiz, ꞌaw khuni netlꞌa dítꞌai-i ookwꞌúneꞌ tsꞌutꞌen-un ꞌaw ꞌet huwa iloh. ꞋAw ndulhúhootꞌel de, Yakꞌusda ye únzoo-i hootáloh wheꞌ hoontꞌoh. ꞋEt ndi khuni netlꞌa dítꞌai-i ookꞌúneꞌ tsꞌutꞌen huwa uzdujih tsꞌutni de, ꞌinkꞌez ntsꞌenꞌa Yakꞌusda ye únzoo-i be ꞌuzdutijih uzdutínelh? ꞋEt dune howu yahalhduk ntsꞌenꞌa hudutijih, khuni Moses be ꞌudustlꞌus gha netlꞌa díltsꞌut-i ookꞌúneꞌ tsꞌutꞌen hoontsꞌi, ꞌi gha uzdoojih ꞌaítꞌoh, ꞌet ꞌuwhúlhni.

Romans 4:4

Dune ꞌutꞌen de ꞌaw ye unzoo-i iloh whe ꞌukꞌelha holeꞌ, kꞌus be ꞌutꞌen ba ꞌukꞌelha holeꞌ la, ꞌaw ꞌantsꞌet oogha lhoohooltsꞌulh.

1 Corinthians 15:10

ꞋEt hoontsꞌi Yakꞌusda ye unzoo-i, ꞌi gha ntsꞌenꞌa dastꞌoh, ꞌet whuz unꞌa za ꞌustꞌoh. ꞋInkꞌez Yakꞌusda whe stsꞌun únzoo-i, ꞌaw ꞌantsꞌi lheꞌhóotꞌoh. ꞋEt whelꞌaꞌne butoh buba nus ꞌultus-i be ꞌistꞌen. ꞋAw si iloh, Yakꞌusda ye unzoo-i sulh ꞌúntꞌoh, ꞌi be ꞌústꞌen.

Galatians 1:15

ꞋEt ꞌawhuz chadusda whe, ꞌet Yakꞌusda ba hoonzoo whe ꞌutahasálhti ꞌinkꞌez ye unzoo-i be dutisjih ha skaꞌ daniꞌ,

2 Timothy 1:18

ꞋEt dzin neMoodihti yugha teꞌnozeh. ꞋInkꞌez keyoh Ephesus tsꞌe lhat whe sla ꞌuja ínleꞌ, ꞌet cha soo tꞌeooninzun.

Titus 2:11

ꞋEt Yakꞌusda ye unzoo-i be uzdujih-i, ꞌi tsꞌiyanne nalhtsꞌet ha hooltsꞌut.

Titus 3:7

ꞌet whe ye unzoo-i gha nelubeshi tsꞌiyawh neba hooloh yulhtsi. ꞋIlhiz be tsꞌukhuna-i hukwa tse hoodli-un, ꞌet nechꞌeꞌ whutaleh ꞌet huwa.

Hebrews 4:16

ꞋEt huwa Yakꞌusda ookwꞌutsꞌuzda cho diztiꞌ-i whuz de ye únzoo-i negha yúꞌaih. ꞋEt huwa ꞌaw whelhtsꞌuniljut whe whuz uztooyaꞌ. ꞋEt whuz de negha teꞌninzun, ꞌinkꞌez whé netsꞌun unzoo-un, ꞌet nduwhulcho whe tsꞌuhootálhchulh. ꞋEt whuz unꞌa la ꞌen ba ndi yun kꞌut uzdilhtsꞌi-un, ndet la whe nela ꞌeꞌ whudutánelh ꞌet negha óotaltsꞌulh.

1 Peter 3:20

Ndunne ꞌoh daꞌ ꞌaw hikꞌú nulheꞌitꞌel inleꞌ. ꞋEt ꞌoh daꞌ Noah tsꞌi cho ꞌuyuleh whe Yakꞌusda ubulh dzoh nuzut, ꞌinkꞌez bubailhꞌeꞌ. ꞋAlhgoh lhkꞌudine, (8) ꞌaw ꞌenne za, too butighan whuchꞌaz hudujih.

2 Peter 2:5

ꞋInkꞌez yoo niz de haóodanzut daꞌ, ꞌudaꞌ yun kꞌut whutꞌenne, mbene la Yakꞌusda ghu nuni lhnuszutne ꞌinkꞌez ꞌaw lhahidilhtiꞌne, ꞌenne cha ꞌaw buba whula lhdítnel. ꞋEnne bugha ndi yun kꞌut ndulcho whe too didilhtꞌo ꞌinkꞌez too ꞌubanghan. ꞋOh daꞌ lhkꞌudine (8) ꞌaw ꞌenne za ꞌet whuchꞌa Yakꞌusda bubulhyih. Too didutálhtꞌo whutso Noah, ꞌen Yakꞌusda ye tsꞌihꞌun unꞌa ꞌuntꞌoh-i, ꞌi be dune ubulh yailhduk, ꞌen bubulh ꞌilhoghun ꞌuntꞌoh.