Genesis 6:5 - Yak'usda Ooghuni

⁵ ꞋEt Moodihti (Yahweh) bunilhꞌen ndi yun kꞌut dune huye untsiꞌ tube ncha suliꞌ. Tsꞌiyawh ꞌahoolhyiz wheni ndune bubeni untsiꞌ, ꞌet whunilhꞌen.

Genesis 6:5 Iomraidhean Croise

Genesis 13:13

ꞋEt hoontsꞌi nyoonne Sodom dunene tubeh hintsiꞌ, ꞌinkꞌez Moodihti (Yahweh) chꞌaz lubeshi ꞌuhulhꞌen.

Genesis 8:21

ꞋEt Moodihti (Yahweh) ndi sooltsun-i yunahoolhtsun. ꞋInkꞌez Moodihti (Yahweh) didutchꞌoh dudzi yo ꞌutni, “ꞋAw ꞌon ꞌat ndi yun dune gha ꞌaw ookꞌehoosyih ꞌaitꞌoh. Dahintꞌoh la dune budzi ntsiꞌ hintsool whutsꞌun, ꞌet hoontsꞌi ꞌaw doo cha ꞌon ꞌat khuna-i ndi yun kꞌut gak hooselh ꞌaitꞌoh.

Matthew 15:19

Dune budzi bez ha yúkat, be ne-eni untsiꞌ-i, dune hutuzilhghelh, ꞌuyoon dune ooꞌat kꞌus ꞌuyoon tsꞌeke ooki bulh nintaꞌantꞌen-un, ꞌinkꞌez ꞌaw lhghulhdiltsꞌine hoontsꞌi whuz unꞌa za neꞌhutꞌen. ꞋUndunutꞌih-un, ꞌuyoonne ba whutsꞌit-un, ꞌinkꞌez Yakꞌusda chꞌaz yalhduk-un cha.

Matthew 24:37

ꞋOh daꞌ Noah khuna daꞌ, dune dahíntꞌoh la, ꞌet whuz unꞌa za ꞌuwhutátꞌelh whe Yinka Dune Yeꞌ whusanátidalh.

Luke 17:26

ꞋEt Noah oodzin whudizulh daꞌ, dahoontꞌoh inleꞌ la, ꞌet whuz unꞌa za Yinka Dune Yeꞌ oodzin ꞌet nduwhútatꞌelh.

Titus 3:3

Wheni cha whuz unꞌa za tsꞌuwhusni ínleꞌ. Khuni kꞌunulheꞌtsꞌustꞌen. Naznutꞌah. Lhelhdun tsꞌuhóontꞌiꞌ whe hoontsiꞌ te neꞌtsꞌustꞌen. Tsꞌintsiꞌ whe ndi yun kꞌut ꞌuzdáltsꞌiꞌ, ꞌinkꞌez ꞌoonih bulh chaꞌ ꞌutsꞌantꞌeꞌ. ꞋUyoonne tsꞌuzdutni ꞌinkꞌez tsꞌiyawh lhtsꞌuzdutni.

1 Peter 3:20

Ndunne ꞌoh daꞌ ꞌaw hikꞌú nulheꞌitꞌel inleꞌ. ꞋEt ꞌoh daꞌ Noah tsꞌi cho ꞌuyuleh whe Yakꞌusda ubulh dzoh nuzut, ꞌinkꞌez bubailhꞌeꞌ. ꞋAlhgoh lhkꞌudine, (8) ꞌaw ꞌenne za, too butighan whuchꞌaz hudujih.