Genesis 5:22 - Yak'usda Ooghuni

²² Methuselah whuzdli hukwꞌelhꞌaz Enoch Yakꞌusda (Elohim) bulh nusaꞌaz tat whunizyat whunizyai (300) be yus kꞌut ꞌinkꞌez ooyeꞌke ꞌinkꞌez ootseꞌke cha whuzdliꞌ.

Genesis 5:22 Iomraidhean Croise

Genesis 17:1

ꞋEt Abram ꞌen ꞌilho hooloh whunizyai ꞌon ꞌat ꞌilho hooloh (99) nawhudizut whe, Moodihti (Yahweh) yunalhtsꞌet hainya ꞌinkꞌez ꞌuyulhni, “Yakꞌusda ꞋUkꞌenus ꞋUltus-un (El Shaddai) ꞌustꞌoh, stso inyalh ꞌinkꞌez ꞌaw hoonli nkꞌelhuholhtsꞌit.

Genesis 24:40

ꞋEt hoontsꞌi ꞌusulhni, ‘Moodihti (Yahweh) mbe la ootso nusya-un, ꞌen lizas yulh tiꞌus ha yutlꞌa itilhtelh ꞌinkꞌez inyalh whe sooꞌ hoontꞌoh whe syeꞌ ba ooꞌat snatneke butoh ꞌinkꞌez sbá ooyoh whutsꞌun, whuz de hainzut-un ꞌen ooba yutalhchulh.

Genesis 48:15

ꞋInkꞌez Joseph soo hoonzoo-un be ubulh yalhduk ꞌinkꞌez ꞌutni, “Yakꞌusda (Elohim) mbe la sbáke Abraham ꞌinkꞌez Isaac bulh hitso nusuꞌazne, Yakꞌusda (Elohim) mbe la ꞌandit dzin whutsꞌun yinka susda nduwhulhyiz whe sgha ꞌanꞌaih,

Genesis 5:21

Enoch lhkꞌu tat whunizyat ꞌinkꞌez kwulat (65) be yus kꞌut khanaꞌ ꞌinkꞌez Methuselah ooyeꞌ suliꞌ.

Genesis 5:23

Enoch yun ka ꞌindaꞌ-un tat whunizyat whunizyai ꞌon ꞌat kwulat (365) be yus kꞌut ꞌet khanaꞌ.

Genesis 5:24

ꞋInkꞌez Enoch Yakꞌusda (Elohim) bulh nusaꞌaz ꞌinkꞌez hoolel, Yakꞌusda (Elohim) nayilhchoot huwa.

Genesis 6:9

Nowe tsꞌu haindene hukwꞌeguz ꞌet ꞌuhoontꞌoh. Nowe ꞌen tsꞌihꞌun dune unli, khuna daꞌ whe ꞌaw ookꞌeholtsꞌit hooloh. Nowe ꞌen Yakꞌusda (Elohim) bulh nuya inleꞌ.

Luke 1:6

ꞋEt nahultꞌoh Yakꞌusda nalh tsꞌihꞌun dune hinli. Yakꞌusda ooghuni buba yutulhúhizyeꞌ-i ꞌinkꞌez ndet butsꞌu hukwaꞌ ninzun hikꞌuneꞌ titꞌen ha, ꞌet tsꞌiyawh hukwꞌú neꞌhutꞌen. ꞋAw hoonli whe bukꞌeholtsꞌit ꞌaítꞌoh.

Acts 9:31

ꞋEt ndulcho whe Judea, Galilee, ꞌinkꞌez Samaria whulh Jesus ba ꞌilhúhozdilne ꞌaw dzoh nulhuldehne hooloh. Yakꞌusda ehunuljut, ꞌinkꞌez buba hoonzoo whe lhódizut. Ndoni gha ooba ꞌalha ꞌuhoontꞌohne ulhtus úbulhtsi. ꞋEt huwa ꞌon nus lhane huzdliꞌ ꞌinkꞌez neMoodihti za hudílhtiꞌ suliꞌ.

Romans 8:1

ꞋAwet ꞌandit, mbene la Christ ooduneꞌ unlíne, ꞌaw kwuncho yo tsꞌe wheni buba nalhuhídil. ꞋEt nduntꞌohne ꞌaw buyustꞌe nintꞌi tsꞌe hukwꞌu nulheꞌhustꞌen, ꞌet kꞌus Ndoni ookꞌoh tsꞌe za hukwꞌu neꞌhutꞌen.

1 Corinthians 7:17

ꞋEt ntsꞌenꞌa Yakꞌusda ba ꞌilhunaoosdilne bubeꞌ ꞌutꞌen kꞌoh buba ꞌuwhusdla, ꞌet nohni cha ꞌet whuz unꞌa nohba whutatꞌelh. ꞋEt ntsꞌo whudaꞌ Yakꞌusda nohba ꞌutahanohanla ꞌinkꞌez ntsꞌenꞌa la ndi yun kꞌut dolhtsꞌiꞌ, ꞌet whuz unꞌa ndi yun kꞌut dulhtsꞌi.

2 Corinthians 6:16

Ntsꞌenꞌa suba Yakꞌusda oolugliz whucho ꞌinkꞌez ꞌukꞌeltsi bulh lhghaꞌ titꞌelh? Soo cho whunulhꞌen Yakꞌusda whe khúna-un, ꞌen oolugliz whucho ꞌahli. ꞋEt Yakꞌusda ndutni, “Budzi yo ꞌustꞌoh ꞌinkꞌez butunusya. BuYakꞌusda tisdleh ꞌinkꞌez ꞌenne sduneꞌne hutileh.”

Ephesians 5:15

ꞋEt huwa soo cho khahdli. Whunih be yinka dúlhtsꞌi. Whusnine kꞌunꞌa iloh. Kꞌus whunihne kꞌunꞌa oohtꞌeꞌ.

Colossians 1:10

ꞋEt neMoodihti ꞌen ba tsꞌihꞌun unꞌa ndi yun kꞌut dúlhtsꞌi. Ndai ꞌulhꞌen-i tsꞌiyawh yé hotꞌeꞌ. ꞋUtꞌen unzoo-i ꞌi ootsꞌu ha yóokat, ꞌinkꞌez Yakꞌusda ꞌon nus tꞌentihzeh.

Colossians 4:5

Ooba ꞌalhaꞌ lheꞌhootꞌohne, ꞌenne soo cho bughohleꞌ. Ndet ꞌandit nohghá whultsꞌut-un, whunih be ꞌuhoolhꞌen.

1 Thessalonians 2:12

ꞋInkꞌez Yakꞌusda ba sooꞌ whuldzooꞌ kꞌunꞌa toohdilh. ꞋEn ꞌuntꞌoh ntsꞌe la usda-un, ꞌet lerwe unli, ꞌet whe tsꞌiyantsuk whe kꞌuneꞌ whutꞌen unli, ꞌinkꞌez ye diztiꞌ-i cha bulh ꞌuntꞌoh. ꞋEt whuz de ꞌanih nohúlhni.

1 Thessalonians 4:1

ꞋEt huwa neulhutsinke, ndi ꞌudekꞌez khuni be nohbulh yátsꞌulhduk-i, neghuni úlhchoot whe Yakꞌusda hótꞌeꞌ ha tóohdilh nohtsꞌútni inleꞌ. ꞋEt doo cha za whuz unꞌa za Jesus neMoodihti, ꞌen be khuni ulhtus-i be nohtsꞌutni, tube cho lhanꞌun te oohzooꞌ, ꞌinkꞌez whuz unꞌa oohtꞌeꞌ.

1 John 1:7

ꞋEt hoontsꞌi be hootꞌen-i bulh ꞌuntꞌoh, ꞌi ooniz tsꞌidulh de, ꞌet de ꞌilhoh lhulh ꞌutsꞌintꞌohne tsinli ꞌinkꞌez ooYeꞌ Jesus Christ buzkaiꞌ be nelubeshi tsꞌiyawh yunaꞌalhde.