Genesis 5:2 - Yak'usda Ooghuni

² Dune ꞌinkꞌez tsꞌeke bulh ꞌubinla ꞌinkꞌez soo hoonzoo-un hubulhni ꞌinkꞌez yun ka duneꞌne ꞌubinla, dzin ꞌubinla-un.

Genesis 5:2 Iomraidhean Croise

Genesis 1:27

ꞋEt Yakꞌusda (Elohim) dune ꞌinla, dukꞌunꞌa Yakꞌusda (Elohim) ndotꞌeꞌ, ꞌen dune ꞌinkꞌez tsꞌekoo cha ꞌen ꞌubinla.

Genesis 1:28

ꞋEt Yakꞌusda (Elohim) soo hoonzoo-un ꞌubulhni ꞌinkꞌez Yakꞌusda (Elohim) njan ndubulhni, “Lhane cho nohuzkeh ooleꞌ, ndi yun doolhbun ꞌinkꞌez oomoodih uhli, lho, dutꞌai, nudilh-i cha ꞌinkꞌez ndi yun kꞌut ꞌusjiz-i cha tsꞌiyawh”.

Genesis 2:15

ꞋEt Moodihti Yakꞌusda (Yahweh Elohim) ha nuyeh kꞌet Eden ꞌet dune neninilhti, yugholeꞌ ꞌinkꞌez yotꞌeꞌ ha.

Genesis 2:23

ꞋEt Adam ꞌutni, “Ndi ꞌandit stsꞌun ootsꞌun ꞌuntꞌoh ꞌinkꞌez stsung ootsung ꞌuntꞌoh. Tsꞌeke booziꞌ ooleꞌ si, dune tsꞌu halti ꞌet huwa”.

Genesis 5:3

ꞋInkꞌez Adam ꞌilho whunizyat whunizyat ꞌon ꞌat tat whunizyat (130) yus kꞌut khunaꞌ ꞌinkꞌez ooyeꞌ yundotꞌen-un ooyeꞌ suliꞌ, Seth yulhni.

Matthew 19:4

ꞋEt Jesus ꞌubulhni, “ꞋEt ndi ꞌudustlꞌus kꞌut ꞌukꞌeguz-i, ꞌi ꞌaw lakw ookꞌu yalhuzulhduk? Mbe dune ꞌinla-un, ꞌen dune ꞌinkꞌez tsꞌeke bulh ꞌubínla daꞌ.

Mark 10:6

ꞋEt hoontsꞌi ꞌudechoo Yakꞌusda tsꞌiyaitsuk ꞌinla whe dune ꞌinkꞌez tsꞌeke cha ꞌubinla.

Acts 17:26

ꞋInkꞌez ꞌilhoghun dune ꞌen la toh tsꞌe za yun kꞌut didowhne tsꞌiyanne ꞌulya inleꞌ. Yakꞌusda nkede ndi yun dune ꞌutilelh ꞌinkꞌez ntsꞌe huwhutitꞌelh-un, ꞌet whutso tꞌewhunínzun. ꞋEt whe ndi yun kꞌut ndulcho whe huwhutꞌi suliꞌ.