Genesis 49:8 - Yak'usda Ooghuni

⁸ Judah nyun ꞌutantꞌelh, nyulhutsinke nyuhudutalhtiꞌ. Nla ꞌi mbene la nchꞌaz ditnine bukꞌudutalni, mbá buzkeh ꞌenne mbut yo ꞌuhuntitsulh.

Genesis 49:8 Iomraidhean Croise

Genesis 27:29

Dune cha nyunat neꞌhootꞌen ꞌinkꞌez didohne cha mba nacha hunooldulh. Nyulhutsinke cha bumoodih ꞌonleꞌ, ꞌinkꞌez nloo buzkeh, ꞌenne cha mbut nacha hunooldulh. Mbene la nkꞌehuyihne ꞌenne cha bukꞌehoodeh, mbene la soo hoonzoo-un ntsꞌun hutizooꞌ, ꞌenne cha soo hoonzoo-un bugha hóotaltsꞌulh.”

Genesis 29:35

ꞋInkꞌez doo cha za ulchan ꞌinkꞌez dune ooyaz suliꞌ. ꞋInkꞌez ꞌutni, “ꞋAndit ꞌet Moodihti (Yahweh) dutástiꞌ!” ꞋEt huwa yooziꞌ, Judah, yulhni. ꞋEt hukwꞌelhꞌaz ꞌet ꞌawet buzkeh hoonli-un ꞌetsul ꞌuja.

Genesis 42:6

ꞋEt Joseph nyo usda-un dulcho whe bumoodih unli. ꞋEn za ndi lhes maiꞌ yeꞌ ooket keyoh whuduneꞌne tsꞌun. ꞋEt Joseph bulhutsinke whusahandil ꞌinkꞌez hibut soo yoo yo cho yo ꞌuhuntutsulh ꞌankwꞌus yun nonutꞌa whe.

Genesis 46:12

Judah ooyeꞌke ꞌenne: Er, Onan, Shelah, Perez ꞌinkꞌez Zerah (ꞌet hoontsꞌi Er ꞌinkꞌez Onan bulh ꞌenne Canaan keyoh dahuzsai). Perez ooyeꞌke ꞌenne: Hezron ꞌinkꞌez Hamul bulh.

Hebrews 10:13

ꞋAndit ꞌet usda nkede ꞌuwhutanelh whe yuchꞌaz ditnine, ꞌenne ꞌantsꞌi ookꞌut neke nályis-i, ꞌi kꞌunꞌa duke tꞌah nébutalelh, ꞌet huba sulhꞌi.

Hebrews 7:14

ꞋEt neMoodihti ꞌen Judah didowhne tsꞌu hainzut-un ꞌuntꞌoh, ꞌet tsꞌiyanne tꞌehonínzun. ꞋInkꞌez ꞌenne lubret hutileh huwun, Moses ꞌaw howu yalhtílhdih.

Revelation 11:15

ꞋEt ꞌawet whúlh lhtakꞌantꞌit-un lizas be tsꞌújih-i be ꞌudíja. ꞋEt yakꞌuz tsꞌe lhane tube njan duhutni, “Ndi yun kꞌut lerwene bukeyoh neMoodihti ꞌinkꞌez ooChrist, buchꞌeꞌ whuzdliꞌ. ꞋInkꞌez ꞌilhiz ꞌinkꞌez ꞌilhiz wheni lerwe tileh.”

Revelation 5:5

ꞋEt ꞌilhoghun ꞌutso whudilhdzulh-un, ꞌen ꞌusúlhni, “Intso iloh! Nilhꞌen Judah bulh didowhne bubukhuna-i cho, lion huyúlhni, mbe lerwe David tsꞌu haínzut-un, ꞌen ꞌuja tsꞌiyantsuk whuchꞌaꞌ nilhde. ꞋEn za soo ꞌúldzooꞌ ndi ꞌudustlꞌus yadáhaꞌ dutilhchꞌulh, ꞌinkꞌez ndi lhtakꞌantꞌi be lhúnedilhze-i yadáhaꞌ dutilhchꞌulh.”