Genesis 48:9 - Yak'usda Ooghuni

⁹ ꞋInkꞌez Joseph dubá ꞌulhni, “Syeꞌke ꞌuhintꞌoh. Njan yun kꞌut Yakꞌusda (Elohim) sgha bunilhtine.” ꞋInkꞌez ꞌutni, “Deꞌ ndiz stsꞌu bilhtelh ꞌinkꞌez si soo hoonzoo-un butsꞌun tiszooꞌ.”

Genesis 48:9 Iomraidhean Croise

Genesis 27:4

ꞋInkꞌez nyoo ndai la oonustꞌiꞌ-i, ꞌi sba ꞌinleh, ꞌinkꞌez stsꞌu tonkaꞌ, ꞌet de sih oosꞌalh. ꞋEt de sih szul be soo hoonzoo-un ntsꞌun tizooꞌ datisah whutso.”

Genesis 30:2

ꞋEt Jacob, Rachel yulh hunilchꞌe ꞌinkꞌez ꞌutni, “Si eh Yakꞌusda ookꞌedusda? Si ꞌunyusla ꞌaw nyuzkeh holeꞌ ꞌaitꞌoh nyuzusi?”

Genesis 33:5

ꞋInkꞌez ndo yutanꞌen, ꞌet nyoonne tsꞌekoo ꞌinkꞌez tsꞌoodunne te, ꞌenne butilhꞌen ꞌinkꞌez ꞌutni, “Ndunne ꞌenne mbene wheꞌ hintꞌoh?” ꞋEt ꞌuyulhni, “Yakꞌusda (Elohim) ye unzoo-i gha mba ꞌutꞌen-un bugha buninla ꞌuhintꞌoh.”

Genesis 49:28

Ndunne ꞌenne tsꞌiyawh Israel tsꞌu haindene whunizyane ꞌon ꞌat nane didohne, ꞌet ndi khuni ꞌi be buba hubulh yailhduk ꞌinkꞌez soo hoonzoo-i butsꞌun tizooꞌ, ꞌilhoghun hinli whe ntsꞌenꞌa la didutchꞌoh soo hoonzoo-i be ubulh yalhduk.

Hebrews 11:21

Be ꞌalha ꞌuhoontꞌoh-i, ꞌi be Jacob dawhénintsai whe Yakꞌusda yoodalhkut Joseph ooyeꞌke butsꞌun óozooꞌ ha. Dutuz la chándunuti whe Yakꞌusda tsꞌun teniꞌ nalhdzin.