Genesis 48:21 - Yak'usda Ooghuni

²¹ ꞋEt Israel, Joseph ꞌuyulhni, “Whunilhꞌen ꞌawet dassah whe ꞌustꞌoh, ꞌet hoontsꞌi Yakꞌusda (Elohim) nyulh ꞌutitꞌelh mbáke bukeyoh tsꞌe whuz nanyutilhtelh.

Genesis 48:21 Iomraidhean Croise

Genesis 12:5

ꞋEt Abram duꞌat yilhchoot ꞌinkꞌez Lot ooꞌat cha hubilhchoot ꞌinkꞌez ndai la huyutꞌi-i cha tsꞌiyawh nahuyalhdzoo ꞌinkꞌez mbe la dune bugha nindene ꞌenne cha Haran, Canaan tsꞌe yun kꞌuz whehandil ꞌinkꞌez Canaan nehunindil.

Genesis 15:14

ꞋEt mbene la bubaꞌ hitꞌenne hukwꞌelhꞌaz buba nahutisyeh soo lhai hutꞌi whe whusahutidulh.

Genesis 15:16

ꞋEt whulh dit dune nawhusdli-un, ꞌet ndiz nahutidulh. Amor whutꞌenne tankꞌus unꞌa ꞌuhutꞌen-un ꞌawhuz lhalhodusne.”

Genesis 26:3

Ndi yun ꞌi kꞌut hontꞌe ꞌinkꞌez nyulh ꞌutistꞌelh, ꞌinkꞌez mba soo hoonzoo-i ubooselh. Nyun cha ꞌinkꞌez ntsꞌu haindene cha ndi yun bugha inusꞌai, ndet la mbá Abraham ootsꞌu nahizusya-i, ꞌi lhadutisleh ꞌet huwa.

Genesis 28:15

Whunilhꞌen nyulh ꞌustꞌoh, ntsꞌoh teninya te, nyulh ꞌutistꞌelh ꞌinkꞌez ndi yun kꞌut nenyutastelh. ꞋEt ꞌawet nghu natisdulh datisnelh la nyudusni-un, ꞌet ꞌawhusla whutsꞌun.”

Genesis 37:1

ꞋEt Jacob nyo Canaan yun kꞌut ꞌet whutꞌi ꞌet ꞌaw oobá tꞌenuszun.

Genesis 46:4

Egypt tsꞌe nyulh ꞌutisnelh ꞌinkꞌez ndo naꞌnyutislelh. ꞋInkꞌez ꞌalha Joseph ꞌen nyuna kꞌedutalni.”

Genesis 47:29

ꞋEt ꞌawet Israel datitsah whenghoh neooninzut, duyeꞌ Joseph ꞌanih yudaniꞌ ꞌinkꞌez ꞌuyulhni, “ꞋAlhaꞌ mba ꞌuszoo nahoonꞌai de, nla swuz tꞌoh nedilnih ꞌinkꞌez soo cho neꞌsolhꞌen, ꞌaw Egypt ꞌet ꞌasolhtelh junih.

Genesis 50:24

ꞋInkꞌez Joseph dulhutsinke ꞌubulhni, “ꞋAwet datisah, ꞌet hoontsꞌi Yakꞌusda (Elohim) ꞌalha nohtsꞌun nutiyalh ꞌinkꞌez ndi yun chꞌa nanohtalelh, ꞌinkꞌez Abraham, Isaac ꞌinkꞌez Jacob cha yun butsꞌi yooziꞌ-i, whuz nanohtilelh.”

Genesis 50:6

ꞋInkꞌez Pharaoh ꞌutni, “Whuz inyalh ꞌinkꞌez mbá ꞌailhtih, khuni daja dini la ootsꞌu nahizinya-i kꞌunꞌa.”

Luke 2:29

“SMoodihti si nye ꞌulhna-un usdli. ꞋInkꞌez nghuni kꞌunꞌa, ꞌet ꞌuhoontꞌoh sdzi dizghel whe daóosah.

Acts 13:36

ꞋEt David soo whe Yakꞌusda kꞌúneꞌ ꞌustꞌen khuna whutoh. ꞋEt dazsai whe mbene la ootsodaꞌne ꞌuhudinla-un, ꞌet ꞌahuyalhti ꞌinkꞌez ilhjut.

2 Timothy 4:6

Si ꞌawet be khusna-i Yakꞌusda ba huwa tꞌaih kꞌunꞌa nadusjulh leꞌ ꞌusneh. ꞋInkꞌez ndo tisyalh-un ꞌawet nilhdukw suliꞌ.

Hebrews 7:3

Ooloo hooloh ꞌinkꞌez oobá cha hooloh. Mbe édinzut-un cha hooloh. ꞋAw lhuhóolel ꞌinkꞌez ꞌaw dálhitsal. Yakꞌusda ooYeꞌ kꞌunꞌa ꞌulya whe ꞌilhiz wheni lubret unli.

Hebrews 7:8

ꞋEt diz unꞌa ꞌet ꞌúhoontꞌoh, nyoonne Levitne, ꞌenne cha ꞌantsꞌi yinka dune za ꞌuhintꞌoh, ꞌinkꞌez yahadlah, ꞌet hoontsꞌi ndi 10% ꞌi cha whuz unꞌa za nahuyulhdzooh. ꞋEt Melchizedek ꞌilhiz wheni khuna-un huyúlhni, ꞌen ꞌuyinla Abraham 10% yughaꞌaih.

2 Peter 1:14

Tꞌeoonúszun ꞌawet nilhdukw whe datítsah. Ntsꞌenꞌa datísah-un, ꞌet neMoodihti Jesus Christ whusunilhtan.