Genesis 48:18 - Yak'usda Ooghuni

¹⁸ ꞋInkꞌez Joseph dubá ꞌulhni, “ꞋAwundooh sbá, ndun ꞌen ꞌudetso-un whuzdli whe ꞌuntꞌoh, nailhnih tsꞌunkꞌus ꞌet ootsi kꞌedilni.”

Genesis 48:18 Iomraidhean Croise

Genesis 19:18

ꞋEt Lot ꞌubulhni, “Sla ꞌuhneh whe, ꞌawundooh smoodihne!

Genesis 27:15

ꞋEt Rebekah duyaz ꞌudetso-un Esau, ꞌen oonaih kꞌus unzoo-i yoh yuzdla-i, ꞌi Jacob ꞌudekꞌoh-un, ꞌen ye yalhti.

Genesis 29:26

ꞋInkꞌez Laban ꞌutni, “Njan nekeyoh, ꞌaw ꞌudekꞌoh-un, ꞌen, ꞌudetso-un ootso dune gha butsꞌolhtelh ꞌaitꞌoh.

Genesis 43:33

ꞋEt hibut natlꞌa diltsꞌiꞌ. ꞋUdetso whuzdli-un, ꞌudechoo ꞌinkꞌez ꞌudekꞌoh whuzdli-un, ꞌen ꞌudekꞌez, ꞌinkꞌez nyoonne dune tube buba hooncha lhonulꞌen.

Genesis 48:17

ꞋEt Joseph dubá nailhnih tsꞌunkꞌus ꞌet Ephraim kꞌedilni ꞌet whunilhꞌen, ꞌet whutsꞌu dutni ꞌinkꞌez dubá oola yilhchoot Ephraim ootsi kꞌudilhni whe ꞌinkꞌez Manesseh ootsi kꞌedilhni.

Genesis 48:19

ꞋEt hoontsꞌi oobá hukwa lheꞌnizun ꞌinkꞌez ꞌutni, “Tꞌeoonuszun syeꞌ, tꞌeoonuszun ꞌen cha ndi yun kꞌut dune tileh ꞌinkꞌez ncha tileh. ꞋEt hoontsꞌi ndun ookꞌoh-un, ꞌen yanus ꞌulcho tileh ꞌinkꞌez soo keyoh whudizbun whe yutsꞌu ha yandene hutileh.”

Genesis 49:3

Reuben nyun ꞌudetso syeꞌ whuzdli-un inli. Ndai la be ꞌustus-i ꞌinkꞌez ꞌudechoo be ꞌustus suliꞌ-i, ndai la ꞌilhoh tuneꞌ zustꞌen-un ꞌinkꞌez dalcho-i be be ꞌustus-i cha.

Matthew 25:9

ꞋEt whunihne, ‘ꞋAwúndooh!’ hutni ‘Nohgha uznilhdzo de, nohni cha ꞌinkꞌez wheni cha ꞌaw neba soo lhéꞌiltsuk. ꞋEt hoontsꞌi ꞌeꞌóoket tsꞌe whuz ꞌahdulh, ꞌinkꞌez nohnichꞌoh oohket.’

Acts 10:14

ꞋEt hoontsꞌi Peter utni, “SMoodihti ndi khuna-i me tsꞌútni oochꞌaz nijoot wheꞌ hoontꞌoh, ꞌet huwa ꞌaw oosꞌalh ꞌaítꞌoh!”

Acts 11:8

ꞋEt hoontsꞌi, ‘SMoodihti ꞌawundooh, ndi khuna-i me tsꞌútni, oochꞌaz nijoot wheꞌ hoontꞌoh, ꞌet huwa ꞌaw oosꞌalh ꞌaítꞌoh,’ dusni.