Genesis 48:16 - Yak'usda Ooghuni

¹⁶ Ndun Lizas mbe la hoontsiꞌ-un whuchꞌa nasonket-un, ꞌen ndunne duneyaz soo hoonzoo-i be za tlꞌa ookat. Ndai sooziꞌ ꞌi be bubohozi, ꞌinkꞌez sbáke Abraham ꞌinkꞌez Isaac bubooziꞌ be cha, ꞌinkꞌez soo ndi yun kꞌut ꞌet lhane cho hooleꞌ.”

Genesis 48:16 Iomraidhean Croise

Genesis 22:11

ꞋEt hoontsꞌi Moodihti (Yahweh) oolizas yakꞌuz whutsꞌun yukahizya ꞌinkꞌez ꞌutni, “Abraham! Abraham!” ꞋEt Abraham ꞌutni, “Njan ꞌustꞌoh.”

Genesis 22:15

ꞋEt Moodihti (Yahweh) oolizas ꞌen ndo yakꞌuz tsꞌun whulh nat hika huyih,

Genesis 32:28

ꞋEt ꞌutni, “ꞋAw nyooziꞌ ꞌon ꞌun Jacob lhunyodutasnel. Israel nyo dutanelh. Yakꞌusda (Elohim) ꞌen bulh nulhuziltiꞌ, dune cha, ꞌinkꞌez ꞌenne buchꞌaꞌ nilhde.”

Genesis 46:3

ꞋInkꞌez ꞌutni, “Yakꞌusda (El) ꞌustꞌoh, mbá ooYakꞌusda (Elohim). ꞋAw wheniljut whe Egypt tsꞌe tonyaꞌ junih, nyun tube didoh-un ncha-un ꞌet nyutiselh.

Genesis 48:5

ꞋAndit ꞌet nane nyeꞌke Ephraim ꞌinkꞌez Manesseh, Egypt ꞌet nyuzkeh huzdliꞌ, nghu tisyalh whutso ꞌenne schꞌeꞌ ꞌuhintꞌoh. Reuben ꞌinkꞌez Simeon bulh bukꞌunꞌa schꞌeꞌ hutileh.

Genesis 49:22

Joseph ꞌen duchun zooschum cho ootsꞌa ha ꞌukat-i unli. Too kꞌet whuzih ꞌet ootsꞌa hakat-i ꞌuzooschum unli. ꞋInkꞌez be ꞌuzooschum nyo sih hukwꞌut ndulcho whe hoonli.

Matthew 6:13

ꞋInkꞌez ntsiꞌ-un, ꞌen chꞌa neghinli. ꞋEt yakꞌuz kꞌuneꞌ ꞌintꞌen-un ꞌintꞌoh, ꞌinkꞌez be ilhtus-i cha, bé dintiꞌ-i cha, ꞌi ꞌilhiz wheni ꞌi tsꞌiyawh nchꞌeꞌ ꞌuntꞌoh. ꞋEt ndo honeh.’

John 17:15

ꞋAw ndi yun kꞌut whuchꞌa nabónlelh-un, ꞌet iloh ntsꞌu húkwaꞌ dusni, ꞌet hoontsꞌi ntsiꞌ-un, ꞌen chꞌa soo cho bughonleꞌ, ꞌet ntsꞌu húkwaꞌ dusni.

Acts 15:17

ꞋEt whuz unꞌa dune ꞌet nenínkatne cha ska húnootaꞌ ꞌinkꞌez ꞌudun yun kꞌut whutꞌenne, mbene sichꞌoh sba ꞌudunébunusdlane, ꞌenne cha ska húnootaꞌ, neMoodihti ꞌutni. ꞋEn ꞌuntꞌoh ndi tsꞌiyawh ꞌuhóonla.

Romans 8:23

ꞋAw ꞌi za íloh, whenichꞌoh cha tsꞌukhun dutso Yakꞌusda buzkeh gaih za uztileh ꞌet whutsꞌun. ꞋEt ꞌoh de de, neyustꞌe ꞌantsꞌi kwꞌu naꞌitꞌoh léꞌtinelh. ꞋEt Ndoni netsꞌú whusayalhꞌaꞌ inleꞌ, ꞌet whe tꞌetsꞌonínzun Yakꞌusda nedáníꞌ-un whuz unꞌa ꞌet nduwhútanelh.

1 Corinthians 10:4

ꞋInkꞌez tsꞌiyawh ndai huyitnaiꞌ yakꞌuz tsꞌe ha huyanla ꞌi ꞌalhgoh huyitnaiꞌ. Ndi yakꞌuz whutseꞌ ꞌi buwhusaíniltsꞌut, ꞌet huwa ꞌi ootsꞌu ha yíjul-i, ꞌi tsꞌiyawh ꞌalhgoh huyitnaiꞌ. ꞋInkꞌez ndi tse ꞌi Christ unli ꞌuntꞌoh.

1 Corinthians 10:9

ꞋEnne bukꞌunꞌa Christ tsꞌoolhdzih leꞌ tsꞌootꞌen junih. Whulohne huyóolhdzai ꞌet huwa tlꞌughus be higan.

2 Timothy 4:18

ꞋInkꞌez yakꞌuz neMoodihti ꞌen lerwe unli, ꞌet wheni sghunli, ꞌinkꞌez oozih tisdalh whutsꞌun, ꞌutꞌen untsiꞌ-i tsꞌiyawh yuchꞌa sutálhtelh. ꞋEt huwa ꞌen ꞌilhiz wheni ꞌinkꞌez ꞌon ꞌun cha uzdólhtiꞌ. ꞋEt ndo honeh.

Titus 2:14

Jesus Christ neba huwaꞌ dudulti nelubeshi chꞌa nenaootakulh ha. ꞋInkꞌez wheni dichꞌoh ooduneꞌne dune ꞌutꞌen unzoo-i za ꞌutsꞌoolhꞌen.

Hebrews 11:21

Be ꞌalha ꞌuhoontꞌoh-i, ꞌi be Jacob dawhénintsai whe Yakꞌusda yoodalhkut Joseph ooyeꞌke butsꞌun óozooꞌ ha. Dutuz la chándunuti whe Yakꞌusda tsꞌun teniꞌ nalhdzin.