Genesis 48:11 - Yak'usda Ooghuni

¹¹ ꞋInkꞌez Israel, Joseph ꞌulhni, “ꞋAw nyunin ntisꞌelh ꞌaw huwu ni lhnuzuszut, ꞌet hoontsꞌi ꞌalha Yakꞌusda (Elohim) nyuzkeh bubusunilhtan.”

Genesis 48:11 Iomraidhean Croise

Genesis 37:33

ꞋEt nayoolhtsꞌit ꞌinkꞌez ꞌutni, “Syeꞌ oodzoot ꞌuntꞌoh! Khuna-i ꞌantsꞌi yellhoh, ꞌaw nawh lheꞌhootꞌoh Joseph yabeꞌ yidalhchꞌul.”

Genesis 37:35

ꞋEt ooyeꞌke ꞌinkꞌez ootseꞌke cha tsꞌiyawh kꞌenahinoꞌah kwaꞌ hutꞌen. ꞋEt hoontsꞌi ꞌaw kꞌenahinoꞌah ꞌaitꞌoh ꞌinkꞌez ꞌutni, “Nyo stsꞌun kꞌut tsꞌe tisyalh, syeꞌ ookꞌeni untislelh.” ꞋInkꞌez oobá yukꞌetso.

Genesis 42:36

ꞋInkꞌez Jacob bubá ꞌubulhni, “Tube tsꞌodi suzulhtsi nohtoh. Joseph ꞌen hooloh suliꞌ, Simeon cha hooloh suliꞌ, ꞌinkꞌez ꞌandit Benjamin ꞌen natilhtelh hukwaꞌ nuhzun. ꞋI tsꞌiyawh sdachꞌe ꞌuhoontꞌoh.”

Genesis 45:26

ꞋInkꞌez hidaniꞌ, “Joseph ꞌawhuz khuna ꞌinkꞌez Egypt yun kꞌut ndulcho whe moodih unli.” ꞋEt Jacob oodzi ꞌankwꞌus ꞌetsul ꞌuja, ꞌaw hiba ꞌalha lheꞌdusnih ꞌet huwa.

Genesis 48:10

ꞋInkꞌez Israel oona ꞌawet njan be tetsun suliꞌ tube hoonyan ꞌet huwa ꞌaw soo cho lhubisꞌen. ꞋEt Joseph hizih nebunilhti ꞌinkꞌez nabuditsꞌooz ꞌinkꞌez bubontun.

Genesis 48:12

ꞋEt Joseph dugwut zih uzyin whuz de habalhti ꞌinkꞌez soo yun tsꞌe nenintꞌai yubut nachaninti.

Ephesians 3:20

ꞋEt neBá ndet la ootsꞌo hukwaꞌ tsꞌutni-un ꞌinkꞌez howu nuni uznuzut-un cha, ꞌet ꞌon nus ꞌultsuk-i negha tilelh whe ꞌuntꞌoh. Ndoni ye ulhtus-i neyoh ꞌuntꞌoh, ꞌet ꞌi beꞌ whutꞌen.