Genesis 47:9 - Yak'usda Ooghuni

⁹ ꞋEt Jacob ꞌen Pharaoh ꞌuyulhni, “Sunawhudizut whe dzin whe lhususya, ꞌet 130 nawhudizut. ꞋAw whulai iloh ꞌinkꞌez hoontsiꞌ whe nawhudizut whudzin whe syustꞌe ꞌantꞌeꞌ. ꞋEt hoontsꞌi ꞌaw sbáke ndi yun kꞌut nuhuzdil-un ndoh whulhdzoh ꞌilhoh ꞌet khisnaꞌ.”

Genesis 47:9 Iomraidhean Croise

Genesis 11:11

Arphaxad ookꞌelhꞌaz whuzdli-un ꞌet Shem 500 yus kꞌut ꞌet nahidaꞌ whe ꞌet ooyeꞌke cha ꞌinkꞌez ootseꞌke cha nahodleꞌ.

Genesis 35:28

ꞋEt Isaac ꞌen 180 yus kꞌut yinka indaꞌ.

Genesis 47:28

ꞋInkꞌez Jacob Egypt yun kꞌut ꞌet whutꞌi, whunizyai ꞌon ꞌat lhtakꞌantꞌit (17) yus kꞌut. Jacob ndi yun kꞌut indaꞌ, ꞌet 147 yus kꞌut ꞌet hootꞌeꞌ.

Genesis 47:8

Pharaoh Jacob yoodulhkut, “Dawhultsuk nye yus kꞌut?”

Genesis 5:27

ꞋEt Methuselah ꞌilho hooloh whunizyat whunizyai ꞌinkꞌez lhkꞌu tat whunizyat whunizyai ꞌinkꞌez lhkꞌu tat whunizyai ꞌon ꞌat ꞌilho hooloh (969) be yus kꞌut whe dazsai.

Genesis 50:26

ꞋEt Joseph dazsai, 110 be yus kꞌut ꞌinkꞌez hizi saꞌ sooꞌ titꞌelh huba lhahidinla ꞌinkꞌez Egypt ꞌet chunkelh ꞌet hitalhtelh ha.

2 Corinthians 5:6

ꞋAw whélhtsꞌuniljut. Tꞌetsꞌonínzun neyustꞌe be ndutsꞌintꞌoh de, ꞌaw neMoodihti bulh lheꞌtsꞌitꞌoh.

Hebrews 13:14

Ndi yun kꞌut ꞌaw keyoh ꞌilhiz ꞌuwhutatꞌelh-un neba hooloh wheꞌ hoontꞌoh. ꞋEt hoontsꞌi keyoh ꞌilhiz ꞌuwhutatꞌelh-un, whuz de hóoltsꞌulh, ꞌet za hukwa tsꞌitóꞌen.

James 4:14

ꞋEt hoontsꞌi bunde ꞌaw dawhútanelh-un tꞌeóonuzáhzun. Be háhna-i, ꞌi di whé ꞌuntꞌoh? ꞋAntsꞌi lhut léꞌuntꞌoh. ꞋAtsulyaz ndo whe dudoh, ꞌinkꞌez gak lhih.

1 Peter 2:11

Nohni ookꞌesiꞌne ꞌahli, ookeyoh hoolohne kꞌunꞌa, ꞌatsulyaz za ndi yun kꞌut dulhtsi. ꞋEt huwa ntsꞌe nohyustꞌe whutsꞌu nintꞌi-un, whuyit oohtꞌeꞌ, ꞌet hukwa nohtsꞌu tédusdli.