Genesis 47:7 - Yak'usda Ooghuni

⁷ ꞋEt Joseph dubá Jacob sayalhti ꞌinkꞌez Pharaoh yubut neinilhti, ꞌinkꞌez Jacob Pharaoh soo hoonzoo-un ootsꞌun tizooꞌ yuba tenadidli.

Genesis 47:7 Iomraidhean Croise

Genesis 14:19

Soo hoonzoo-un ubulh yalhduk whe ꞌutni “Yakꞌusda ꞌukꞌenus diztiꞌ-un (El Elyon) yakꞌuz ꞌinkꞌez ndi yun kꞌut cha oochꞌeꞌ hoonli-un ꞌen gha Abram soo hoonzoo-un oogha hootaltsꞌulh.

Genesis 35:27

ꞋEt Jacob, dubá Isaac, yughu ninya. Mamre kꞌut Kirjath Arba huwhutni, (Hebron ꞌuhoontꞌoh), ndet la Abraham ꞌinkꞌez Isaac bulh huhootꞌen-un.

Genesis 47:10

ꞋEt Jacob, Pharaoh ꞌukꞌenus soo hoonzoo-un ubulh yalhduk ꞌinkꞌez yughu tenanja.

Genesis 47:8

Pharaoh Jacob yoodulhkut, “Dawhultsuk nye yus kꞌut?”

Matthew 26:26

ꞋEt ꞌaꞌalh whe Jesus lhes yilhchoot. Musi ni whe tenadidli. Lhtsꞌe danyuz ꞌinkꞌez yugha hodulꞌehne butlꞌa yánla. ꞋInkꞌez ꞌutni, “Ulhchoot ꞌinkꞌez ꞌahꞌalh. Ndi syustꞌe ꞌuntꞌoh.”

Luke 22:19

ꞋInkꞌez lhes yilhchoot. ꞋInkꞌez duBá musi yulhni, taídanyuz ꞌinkꞌez butainínla, ꞌinkꞌez ꞌubulhni, “Ndi yustꞌe ꞌuntꞌoh. Nohba huwalti. Ndahtꞌen de, ꞌet whe snaoolhnih.”

1 Peter 2:17

ꞋInkꞌez ooba ꞌalha ꞌuhoontꞌohne, tsꞌiyawh soo cho budólhtiꞌ ꞌinkꞌez bukꞌeoohsiꞌ. Yakꞌusda be noolhjut ꞌinkꞌez lerwe ꞌen cha dólhtiꞌ.