Genesis 47:4 - Yak'usda Ooghuni

⁴ ꞋInkꞌez cha Pharaoh ꞌubulhni, “Ndi yun kꞌut tsꞌotitꞌelh ha whusatsꞌandil. Mba ꞌutꞌenne ꞌaw bughunaꞌ yooꞌalh-i hooloh Canaan yun kꞌut dai tube ꞌuja, ꞌet huwa mba ꞌutꞌenne Goshen yun kꞌut huhootꞌen-un ꞌet negha ooninꞌaih.”

Genesis 47:4 Iomraidhean Croise

Genesis 12:10

ꞋEt ꞌuhooja nyo keyoh dai whuzdliꞌ ꞌinka Abram Egypt tsꞌe wheinya tube dai whuzdliꞌ ꞌet huwa.

Genesis 15:13

ꞋEt whe Yakꞌusda (Elohim) Abram ꞌuyulhni, “Soo soo cho tꞌeoononzeh, ntsꞌu hainde ꞌen ꞌuyoo yun kꞌut ꞌet ꞌaw tꞌelhonizun ꞌinkꞌez ꞌaw hubeꞌ hoolhdzun chaíloh. ꞋEt ndunne yun kꞌut whutꞌen, ꞌen dzoh neꞌbulhꞌen ꞌinkꞌez bunat neꞌhootꞌen whe 400 nawhudizut whutsꞌun bubaꞌ hutitꞌelh.

Genesis 43:1

Tubeh nyo yun kꞌut dai be oonisjoot.

Genesis 45:10

Njan Goshen yun kꞌut ꞌet sih hontꞌeꞌ. Soo szih ꞌutantꞌelh, nyun cha ꞌinkꞌez nyuzkeh cha, nyuzkeh bubuzkeh cha, nghunaꞌ, ꞌusbai bulh cha ꞌinkꞌez ndai ꞌintꞌi tsꞌiyawh.

Genesis 46:34

ꞋEt ꞌudoohniꞌ, ‘Mba ꞌutꞌenne bube ꞌutꞌen dakꞌez whutsꞌun, khuna-i gha hana tsꞌoodunne tsinli whutsꞌun ꞌandit whutsꞌun, wheni cha ꞌinkꞌez netsodaꞌ nebáke ꞌenne cha.’ ꞋEt de sih ndi yun kꞌut Goshen yun kꞌut hoohtꞌeꞌ, ꞌusbai ghunline tsꞌiyawh ꞌilhoghun hinli whe Egypt whutꞌenne bubaꞌ huninzun ꞌet huwa.”

Genesis 47:5

ꞋEt Pharaoh, Joseph bulh yalhduk ꞌinkꞌez ꞌutni, “Mbá ꞌinkꞌez nyulhutsinke ngho nindil.

Acts 7:11

ꞋEt Egypt ꞌinkꞌez Canaan whulh ndulcho whe dai whuzdliꞌ. Tube dune dzoh nudeh kꞌet netsodaꞌne ꞌaw tꞌalh-i nahólelh ꞌaitꞌoh.

Acts 7:6

ꞋEt Yakꞌusda ndúyulhni, ‘Nye dútadulhne ꞌutsꞌun yun kꞌut tsꞌe whuz ꞌulhna hutileh ꞌinkꞌez 400 naoodizut ꞌet dune dzoh nubutilhdoh.’