Genesis 47:12 - Yak'usda Ooghuni

¹² ꞋEt Joseph dubá ꞌinkꞌez dulhutsinke ꞌinkꞌez mbene la buyoh whutꞌine cha, lhes dawhultsuk huwa ꞌi bugha ininla.

Genesis 47:12 Iomraidhean Croise

Genesis 45:10

Njan Goshen yun kꞌut ꞌet sih hontꞌeꞌ. Soo szih ꞌutantꞌelh, nyun cha ꞌinkꞌez nyuzkeh cha, nyuzkeh bubuzkeh cha, nghunaꞌ, ꞌusbai bulh cha ꞌinkꞌez ndai ꞌintꞌi tsꞌiyawh.

Genesis 45:11

ꞋEt njan ookwꞌut yinka dutalhtsꞌilh-i ꞌi nohgha tisꞌaih doo ka sih nyun cha ꞌinkꞌez nyoh dilhtsꞌine cha, ndai ꞌintꞌi-i cha telhꞌen ooleꞌ ꞌawhuz kwulat yus kꞌut dai whutaleh wheꞌ hoontꞌoh.”’

Genesis 45:7

ꞋInkꞌez Yakꞌusda (Elohim) nohtso ndiz whe salhꞌaꞌ, Ndi yun kꞌut nohtsꞌu haindene huhoona, ꞌaw dalhuhoosa. Hooncha whe bulaꞌ tinelh.

Genesis 47:1

ꞋEt Joseph Pharaoh tsꞌu whenya ꞌinkꞌez ꞌuyulhni, “Sbá ꞌinkꞌez sulhutsinke, bughunaꞌ te ꞌinkꞌez tsꞌiyai huyutꞌi-i cha, Canaan tsꞌe ha handil ꞌandit Goshen yun kꞌut ꞌuhintꞌoh.”

Genesis 47:21

ꞋEt nyoonne dune ꞌenne tsꞌiyawh keyoh whuti tsꞌe nebuninla, Egypt keyoh nduwhulcho whe.

Genesis 47:24

ꞋEt de si haꞌ nule de (⅕) ndai la ꞌa nihla-i, ꞌi Pharaoh oogha yohlelh. (⅘) ꞌi nohchꞌeꞌ tileh, ꞌantilelh wheni ꞌinkꞌez tihꞌulh-i wheni cha, mbene la nohyoh whutꞌine ꞌinkꞌez nohuzkehkeyaz ba cha.”

Genesis 50:21

ꞋEt huwa whenulhjut iloh, nohuzkehyaz cha nohni cha tsꞌiyai be lhanohdutisleh.” ꞋInkꞌez kꞌenaꞌbuninꞌa ꞌinkꞌez soo cho khuni nzoo-i be bubulh yailhduk.

1 Thessalonians 2:7

ꞋEt hoontsꞌi nohtoh uzdilhtsꞌi daꞌ, nohtsꞌun tsꞌinzoo. Ntsꞌenꞌa tsꞌeke duduzke nulhyeh ꞌinkꞌez bukꞌehintsiꞌ, ꞌet whuz unꞌa nánilhtsulyaz nunóhtsꞌulhꞌen.

1 Timothy 4:8

ꞋEt neyustꞌe ba neꞌuzdunuldzeꞌ te, ꞌatsul za neba hootazooꞌ, ꞌet hoontsꞌi Yakꞌusda ba ndi yun kꞌut uzdoltsꞌiꞌ ha, ꞌet tsꞌiyantsuk whe whudíztiꞌ. ꞋI gha la ndi yun kꞌut uzdilhtsꞌi-un nelaꞌ ꞌewhudutitꞌelh ꞌinkꞌez yakꞌuz neztiyalh ꞌet cha nelaꞌ ꞌewhudutanelh.

1 Timothy 5:4

ꞋEt hoontsꞌi ndunne tsandilh buzkeh hoonline, kꞌus oochaike hoonline, ndunne tsandilh yutsꞌu haindene, ꞌenne duloo tsꞌihꞌun unꞌa higholeꞌ. ꞋEt whe Yakꞌusda be ꞌutꞌen kꞌoh whutaleh. ꞋEt ꞌudechoo duyoh dilhtsꞌine bubodólhtiꞌ, ꞌinkꞌez dudusneke bulaꞌ hootꞌen. ꞋEt hoonzoo wheꞌ hoontꞌoh ꞌinkꞌez Yakꞌusda butsꞌu hukwaꞌ ninzun.

1 Timothy 5:8

ꞋEt hoontsꞌi mbene ꞌaw dunatneke ghu lhilohne, ꞌinkꞌez duyoh dilhtsꞌine, ꞌenne ghu lhuhiloh de, ꞌet nduntꞌoh-un ndi be ꞌalha ꞌuhoontꞌoh-i yuchꞌaz nalꞌalh, ꞌinkꞌez ooba ꞌalhaꞌ lheꞌhootꞌohne ba nus lheꞌhizooꞌ whe ꞌuntꞌoh.