Genesis 47:11 - Yak'usda Ooghuni

¹¹ ꞋInkꞌez Joseph, dubá ꞌinkꞌez dulhutsinke Egypt yun ooloh ꞌi bugha ininꞌai, soo ꞌukꞌenus hoonzoo-un, Rameses whuyun kꞌut ꞌet, Pharaoh daja yulhni la, whuz unꞌa.

Genesis 47:11 Iomraidhean Croise

Genesis 46:34

ꞋEt ꞌudoohniꞌ, ‘Mba ꞌutꞌenne bube ꞌutꞌen dakꞌez whutsꞌun, khuna-i gha hana tsꞌoodunne tsinli whutsꞌun ꞌandit whutsꞌun, wheni cha ꞌinkꞌez netsodaꞌ nebáke ꞌenne cha.’ ꞋEt de sih ndi yun kꞌut Goshen yun kꞌut hoohtꞌeꞌ, ꞌusbai ghunline tsꞌiyawh ꞌilhoghun hinli whe Egypt whutꞌenne bubaꞌ huninzun ꞌet huwa.”

Genesis 47:27

ꞋEt Israel, Egypt yun kꞌut ꞌet hitꞌeꞌ, keyoh Goshen huwhutni-un ꞌet hootꞌeꞌ, lhai huyutꞌi-i ꞌutꞌi suliꞌ.

Genesis 47:6

Egypt yun kꞌut mbut whuzꞌai, mbá ꞌinkꞌez nyulhutsinke ꞌukꞌenus ndi yun unzoo-i Goshen yun kꞌut, ꞌet huwhutitꞌelh. ꞋEt ꞌenne butoh soo ꞌukꞌenus tsꞌihꞌun neꞌutꞌen-i ꞌinkꞌez ꞌuyoo unline, ꞌenne butoh hoonli de, ꞌenne ndi sghunaꞌ, tsꞌiyawh himoodih ooleꞌ.”

John 10:10

ꞋUndunutꞌih-un, ꞌen ꞌuduntitꞌih ꞌinkꞌez dune tuzilhghelh ꞌinkꞌez nintaꞌeꞌtilhꞌelh ꞌet wheni za dayaih. ꞋEt si whusásya whe ꞌilhiz wheni huye khúna-i hutitꞌelh ꞌinkꞌez ndi ꞌilhiz huye khúna-i, ꞌi huyutꞌi de, ꞌaw hoonli huye ndunódzit ꞌaítꞌoh.

John 10:28

ꞋIlhiz huye khútinalh-i, ꞌi bugha núsꞌai. ꞋAw yalhahitásdla ꞌinkꞌez ꞌaw dune sla kꞌéhaboolelhne hooloh.

John 14:2

SBá ooyoh lhat-un yoh whuzdla whe ꞌuhoontꞌoh. ꞋAw ꞌalhaꞌ lheꞌhóotꞌoh de, nohdósniꞌ daꞌ. Whuz tisyalh nohba lhawhúdutisdleh wheni.

John 14:23

ꞋEt Jesus ꞌuyulhni, “Mbene la skꞌentsiꞌne, ꞌenne sghuni yootatun. ꞋEnne sBá bukꞌetisiꞌ ꞌinkꞌez bubulh whútitꞌelh ꞌet whe la si bulh butoh ókeꞌ.

John 17:2

ꞋEt ntsꞌenꞌa whe yinka whuduneꞌne tsꞌiyawh buba ndo ootꞌeꞌ-un, ꞌet oogha óoninꞌai, ꞌet whe la mbene la sghá buninlane ꞌilhiz wheni huye khútinalh-i bugha ítasꞌalh.

John 17:24

ꞋUBá ndi yun kꞌut ꞌuwhutálnelh whutsodaꞌ skꞌeinsiꞌ, ꞌinkꞌez bé dustiꞌ-i sgha nínꞌai ínleꞌ, ꞌet soo cho huwhutiꞌelh hukwaꞌ nuszun. ꞋEt huwa ndunne sghá buninlane, ꞌandit ntsꞌe ꞌustꞌoh ꞌet sulh ꞌúhootꞌeꞌ hukwaꞌ nuszun.