Genesis 47:1 - Yak'usda Ooghuni

¹ ꞋEt Joseph Pharaoh tsꞌu whenya ꞌinkꞌez ꞌuyulhni, “Sbá ꞌinkꞌez sulhutsinke, bughunaꞌ te ꞌinkꞌez tsꞌiyai huyutꞌi-i cha, Canaan tsꞌe ha handil ꞌandit Goshen yun kꞌut ꞌuhintꞌoh.”

Genesis 47:1 Iomraidhean Croise

Genesis 45:10

Njan Goshen yun kꞌut ꞌet sih hontꞌeꞌ. Soo szih ꞌutantꞌelh, nyun cha ꞌinkꞌez nyuzkeh cha, nyuzkeh bubuzkeh cha, nghunaꞌ, ꞌusbai bulh cha ꞌinkꞌez ndai ꞌintꞌi tsꞌiyawh.

Genesis 45:16

ꞋEt tsꞌiyawh dawhudaniꞌ lah Pharaoh ooyoh bulh ꞌuhudantsꞌo ꞌinkꞌez ꞌuhutni, “Joseph bulhutsinke whusahandil,” ꞌinkꞌez Pharaoh cha ꞌinkꞌez yuba ꞌutꞌenne cha tsꞌiyawh huhoontꞌiꞌ.

Genesis 46:28

ꞋEt Judah ꞌen butso yutilhꞌaꞌ Joseph tsꞌun ntsꞌe la Goshen tsꞌe whuzꞌai ꞌinkꞌez Goshen yun kꞌuz tsꞌe hoozdil.

Genesis 46:31

ꞋEt Joseph dulhutsinke ꞌinkꞌez dubá ooyoh dilhtsꞌine cha ꞌubulhni, “Toosyaꞌ ꞌinkꞌez Pharaoh dosniꞌ, njan dudoosniꞌ sih, ‘Sulhutsinke ꞌinkꞌez sbá ooyoh dilhtsꞌine cha, Canaan huwhutꞌine sgho nindil.

Genesis 46:34

ꞋEt ꞌudoohniꞌ, ‘Mba ꞌutꞌenne bube ꞌutꞌen dakꞌez whutsꞌun, khuna-i gha hana tsꞌoodunne tsinli whutsꞌun ꞌandit whutsꞌun, wheni cha ꞌinkꞌez netsodaꞌ nebáke ꞌenne cha.’ ꞋEt de sih ndi yun kꞌut Goshen yun kꞌut hoohtꞌeꞌ, ꞌusbai ghunline tsꞌiyawh ꞌilhoghun hinli whe Egypt whutꞌenne bubaꞌ huninzun ꞌet huwa.”

Hebrews 2:11

ꞋEt mbe Yakꞌusda ooba ꞌudunéꞌ dudulti-un, ꞌinkꞌez mbene la Yakꞌusda ba ꞌudunéꞌ dudulyane cha wheni tsꞌiyawh lhgha zaꞌ ꞌutsꞌintꞌoh. ꞋEt Jesus ꞌaw hukwaya lhiloh whe sulhutsinke neúlhni.