Genesis 45:8 - Yak'usda Ooghuni

⁸ ꞋEt ꞌandit nohni iloh ndiz whe silhꞌaꞌ. Yakꞌusda (Elohim) ꞌen Pharaoh cha oobá sulhtsi ꞌinkꞌez ooyoh cha whumoodih ꞌusli. ꞋInkꞌez Egypt yun kꞌut ndulcho whucha whumoodih ꞌusli.

Genesis 45:8 Iomraidhean Croise

Genesis 45:26

ꞋInkꞌez hidaniꞌ, “Joseph ꞌawhuz khuna ꞌinkꞌez Egypt yun kꞌut ndulcho whe moodih unli.” ꞋEt Jacob oodzi ꞌankwꞌus ꞌetsul ꞌuja, ꞌaw hiba ꞌalha lheꞌdusnih ꞌet huwa.

Genesis 45:5

ꞋInkꞌez ꞌandit nohdzi undoodaꞌ kꞌus dulh nahunolhchꞌeh junih. Njan seꞌohket ꞌet huwa, Yakꞌusda ꞌen ndiz sutilhꞌaꞌ dune yalhosdla ha.

John 15:16

ꞋAw nohni ꞌutahalhúsulhtel. Si ꞌutáhanóhisdla toohdilh ꞌinkꞌez mai ha nóolhyeh ꞌinkꞌez nohmaiꞌ ꞌilhiz wheni ootꞌeꞌ, ꞌet hukwa ꞌet nenóhnusdla. ꞋEt huwa la sBá ndai la si sooziꞌ gha ootsꞌo hukwa dahni-i, ꞌi la nohgha íyoꞌalh.

John 19:11

ꞋEt Jesus uyúlhni, “ꞋAw ndus de yakꞌuz whutsꞌun ngha lhúhootꞌal de, ꞌaw sando ꞌontꞌeꞌ ꞌaítꞌoh. ꞋEt huwa mbe la ntlꞌa sálhti-un, ꞌen oolubeshi nyun nlubeshi anus ꞌulcho.”

Romans 9:16

ꞋEt huwa Yakꞌusda ye ꞌugha téꞌnizeh-i, ꞌi gha, mbene bukaꞌ ninzunne, ꞌenne ꞌutahábanla. ꞋAw dune dichꞌoh hukwaꞌ huninzun iloh huwa ꞌuhooja, ꞌinkꞌez ꞌaw hukwꞌelha ꞌuhootꞌen cha ꞌaítꞌoh.

Philemon 1:15

ꞋEt huwa tilah ꞌatsulyaz nghu whinya inleꞌ. ꞋEt de ꞌilhiz wheni naóolhchoot de, ꞌilhiz la nzih oodaꞌ,