Genesis 45:6 - Yak'usda Ooghuni

⁶ Nat yus kꞌut whutsꞌun njan dai honeꞌ. ꞋAwhuz kwulat yus kꞌut ꞌet ꞌaw dune ꞌaꞌ noolelh cha ꞌaitꞌoh, haꞌ hunoolelh cha ꞌaitꞌoh tileh.

Genesis 45:6 Iomraidhean Croise

Genesis 37:2

Jacob ntsꞌoh tuneꞌustꞌen: Joseph ꞌen whunizyat ꞌon ꞌat lhtakꞌantꞌit be yus kꞌut (17) ꞌet nus khuna-i ghaꞌ unꞌaih dulhutsinke tubulh, bubulh ꞌutꞌen nyoonne bulhutsinke ꞌenne Bilhah buzkeh ꞌinkꞌez Zilpah buzkeh cha, oobá ooꞌatke, ꞌenne bubulh ꞌutꞌen ꞌinkꞌez Joseph dubá ꞌen yulh nahoolnuk tankꞌus neꞌhutꞌen huwun.

Genesis 41:35

ꞋInkꞌez ndai la ꞌutꞌalh-i ꞌi cha nyo ho hoonzooꞌ-un ꞌulya-i, ꞌi tsꞌiyawh ꞌudun nehuyolelh. Pharaoh ꞌen whumoodih hooleꞌ, ꞌinkꞌez ndi tꞌalh-i nyo ho lhelhdoh keyoh whuti, ꞌet ꞌaz oolaꞌ.

Genesis 41:46

Joseph tat whunizyat (30) be yus kꞌut Pharaoh Egypt whulerwe but inyin whe ꞌinkꞌez Joseph nyo tenanja ꞌinkꞌez Egypt keyoh ndulcho whe nuya.

Genesis 41:53

ꞋEt lhtakꞌantꞌit yus kꞌut tsꞌiyaitsuk lhai dai hooloh-un, Egypt yun kꞌut ꞌet ꞌetsul ꞌuhooja.

Genesis 41:54

ꞋInkꞌez lhtakꞌantꞌit yus kꞌut dai hoonli-un wheꞌ whuditꞌen. Joseph daja ni la whuz unꞌa, ndulcho whe dai whuzdliꞌ. ꞋEt hoontsꞌi Egypt yun kꞌut ꞌet ꞌutꞌalh-i hoonli.

Genesis 41:56

Ndi yun kꞌut ndulcho whe dai whuzdliꞌ ꞌinkꞌez Joseph ꞌuzdla bayoh Egypt ꞌet dahaꞌ danla. ꞋInkꞌez Egypt whutꞌen ye butsꞌeꞌ ooket. Tube dai be oonujut suliꞌ Egypt yun kꞌut.

Genesis 47:18

ꞋEt nawhudizut whe ꞌon ꞌat yus kꞌut ꞌet ꞌuhuyulhni, “ꞋAw nemoodih nchꞌa nuznootꞌiꞌ ꞌaitꞌoh, nezooniya gak whuzdliꞌ. Ndai la khuna-i tsꞌutꞌi-i tsꞌiyawh nemoodih nyun za ꞌintꞌi suliꞌ, ꞌaw neyun kꞌut ꞌaw hoonli ngha tsꞌoolelh-i hooloh, neyustꞌe ꞌinkꞌez neyun bulh za ꞌet neninkat.

Genesis 47:23

ꞋEt Joseph dune ꞌubulhni, “Nohyun tsꞌiyawh osket. ꞋAndit dzin Pharaoh ba whunulhꞌen ndi ꞌa ntilelh-i nohba hooni, ꞌi sih yun kꞌut ꞌanoolelh.