Genesis 45:5 - Yak'usda Ooghuni

⁵ ꞋInkꞌez ꞌandit nohdzi undoodaꞌ kꞌus dulh nahunolhchꞌeh junih. Njan seꞌohket ꞌet huwa, Yakꞌusda ꞌen ndiz sutilhꞌaꞌ dune yalhosdla ha.

Genesis 45:5 Iomraidhean Croise

Genesis 37:28

ꞋEt ndunne Medianne ooketne ꞌowhuya hidulh, ꞌet bulhutsinke Joseph nyo tsa kꞌet ha nahuyalhti ꞌinkꞌez nyoonne Ismail whutꞌenne, ꞌenne nat whunizyai (20) silver, ꞌi kꞌelha huye ꞌonket ꞌinkꞌez nyoonne Joseph huyilhchoot ꞌinkꞌez Egypt tsꞌe whehuyalhti.

Genesis 47:25

ꞋEt ꞌuhutni, “Be tsꞌukhuna-i silhyih. Nemoodih ba soo tsꞌinzoo tsꞌooleꞌ ꞌinkꞌez ba ꞌutꞌenne tsꞌooleꞌ.”

Genesis 50:19

Joseph ꞌubulhni, “Whenulhjut iloh. Yakꞌusda (Elohim) ꞌen la ookꞌedusda wheꞌ duhni?

Genesis 50:20

ꞋEt nohni tube hoontsiꞌ hukwꞌunꞌa ꞌusutilelh kꞌunꞌa ꞌusuhla, ꞌet hoontsꞌi Yakꞌusda (Elohim) ꞌen ooba hoonzoo hukwꞌunꞌa ꞌuhoonla, ꞌandit dzin wheni dune lhane hubutisyih ha.

Genesis 50:21

ꞋEt huwa whenulhjut iloh, nohuzkehyaz cha nohni cha tsꞌiyai be lhanohdutisleh.” ꞋInkꞌez kꞌenaꞌbuninꞌa ꞌinkꞌez soo cho khuni nzoo-i be bubulh yailhduk.

Luke 23:34

ꞋEt Jesus ꞌutni, “ꞋUBá buba whunaoodilnoh. ꞋAw dahútꞌen-un tꞌehonuszun, ꞌet huwa ꞌuhutꞌen.” Hina lhkꞌehuyilya ꞌinkꞌez higha ꞌaínlih.

2 Corinthians 2:11

ꞋEt ndutsꞌutꞌen de, ꞌet Satan ꞌaw nechꞌaꞌ oolhdeh ꞌaitꞌoh. Ndet whe nechꞌaꞌ tilhdoh-un, tsꞌiyawh tꞌetsꞌonínzun.

2 Corinthians 2:7

ꞋEt tsꞌiyawh ooba ꞌún tsꞌotoolhdilh ꞌinkꞌez ꞌukꞌenáznoꞌah, doo ka si ꞌon nus oodzi tsꞌodi unli de, ꞌet whe oochꞌaꞌoodeh.

Philemon 1:15

ꞋEt huwa tilah ꞌatsulyaz nghu whinya inleꞌ. ꞋEt de ꞌilhiz wheni naóolhchoot de, ꞌilhiz la nzih oodaꞌ,