Genesis 45:10 - Yak'usda Ooghuni

¹⁰ Njan Goshen yun kꞌut ꞌet sih hontꞌeꞌ. Soo szih ꞌutantꞌelh, nyun cha ꞌinkꞌez nyuzkeh cha, nyuzkeh bubuzkeh cha, nghunaꞌ, ꞌusbai bulh cha ꞌinkꞌez ndai ꞌintꞌi tsꞌiyawh.

Genesis 45:10 Iomraidhean Croise

Genesis 46:34

ꞋEt ꞌudoohniꞌ, ‘Mba ꞌutꞌenne bube ꞌutꞌen dakꞌez whutsꞌun, khuna-i gha hana tsꞌoodunne tsinli whutsꞌun ꞌandit whutsꞌun, wheni cha ꞌinkꞌez netsodaꞌ nebáke ꞌenne cha.’ ꞋEt de sih ndi yun kꞌut Goshen yun kꞌut hoohtꞌeꞌ, ꞌusbai ghunline tsꞌiyawh ꞌilhoghun hinli whe Egypt whutꞌenne bubaꞌ huninzun ꞌet huwa.”

Genesis 47:1

ꞋEt Joseph Pharaoh tsꞌu whenya ꞌinkꞌez ꞌuyulhni, “Sbá ꞌinkꞌez sulhutsinke, bughunaꞌ te ꞌinkꞌez tsꞌiyai huyutꞌi-i cha, Canaan tsꞌe ha handil ꞌandit Goshen yun kꞌut ꞌuhintꞌoh.”

Genesis 47:12

ꞋEt Joseph dubá ꞌinkꞌez dulhutsinke ꞌinkꞌez mbene la buyoh whutꞌine cha, lhes dawhultsuk huwa ꞌi bugha ininla.

Genesis 47:4

ꞋInkꞌez cha Pharaoh ꞌubulhni, “Ndi yun kꞌut tsꞌotitꞌelh ha whusatsꞌandil. Mba ꞌutꞌenne ꞌaw bughunaꞌ yooꞌalh-i hooloh Canaan yun kꞌut dai tube ꞌuja, ꞌet huwa mba ꞌutꞌenne Goshen yun kꞌut huhootꞌen-un ꞌet negha ooninꞌaih.”

Genesis 47:6

Egypt yun kꞌut mbut whuzꞌai, mbá ꞌinkꞌez nyulhutsinke ꞌukꞌenus ndi yun unzoo-i Goshen yun kꞌut, ꞌet huwhutitꞌelh. ꞋEt ꞌenne butoh soo ꞌukꞌenus tsꞌihꞌun neꞌutꞌen-i ꞌinkꞌez ꞌuyoo unline, ꞌenne butoh hoonli de, ꞌenne ndi sghunaꞌ, tsꞌiyawh himoodih ooleꞌ.”

John 17:24

ꞋUBá ndi yun kꞌut ꞌuwhutálnelh whutsodaꞌ skꞌeinsiꞌ, ꞌinkꞌez bé dustiꞌ-i sgha nínꞌai ínleꞌ, ꞌet soo cho huwhutiꞌelh hukwaꞌ nuszun. ꞋEt huwa ndunne sghá buninlane, ꞌandit ntsꞌe ꞌustꞌoh ꞌet sulh ꞌúhootꞌeꞌ hukwaꞌ nuszun.

Acts 7:14

ꞋEt Joseph dubá Jacob yutsꞌó tlꞌa khuni inꞌai, dichꞌoh ꞌinkꞌez dunatneke te tsꞌiyawh whusahóodilh, ubúlhni. ꞋAlhgoh lhtakꞌantꞌi whunizyai ꞌon ꞌat kwulane, ꞌenne hinli.