Genesis 45:1 - Yak'usda Ooghuni

¹ ꞋEt Joseph ꞌaw ꞌon ꞌun ꞌoodudotun ꞌaitꞌoh, nyoonne yunat nudilhyane bunalh, ꞌinkꞌez ꞌudija, “Tsꞌiyanne nꞌaz nahutoodilh!” ꞋEt Joseph nyoonne dudulhutsin mbe ꞌuntꞌoh-un hubudaniꞌ.

Genesis 45:1 Iomraidhean Croise

Genesis 42:24

ꞋInkꞌez buchꞌaz nalhꞌa ꞌinkꞌez intse. ꞋEt doo cha butsꞌun nalhꞌa bubulh yalhduk ꞌinkꞌez Simeon yilhchoot ꞌinkꞌez bubut ꞌet yulhghel.

Genesis 44:34

ꞋEt huwa ntsꞌenꞌa suba, sbá ootsꞌu toosyaꞌ ndun duneyaz sulh lheꞌustꞌen de, ꞌet sih ntisꞌelh dawhultsiꞌ lah sbá ookꞌewhutaltsꞌulh ꞌet huwa?”

Matthew 18:15

“ꞋO ꞌun cha nyulhutsin lubeshi be ndulhyo ꞌuja de, oozih neninya ꞌinkꞌez daja whe ndulhyo ꞌuja-un, whuꞌiz dóniꞌ. Nghuni yílhchoot de, nyulhutsin whuchꞌa nanilde wheꞌ hoontꞌoh.

Acts 10:41

dune tsꞌiyawh iloh, wheni za mbene la nenalh ꞌúhootꞌenne Yakꞌusda ꞌutahanéyanla ínleꞌ. Dunadija hukwꞌelhꞌaz bulh utsꞌanꞌulh ꞌinkꞌez bulh ꞌútsꞌitnaiꞌ inleꞌ.

Acts 7:13

Whúlh nat ꞌukunáhududilh whe ꞌet la ꞌantsꞌiya Joseph bubulhutsin unli bubut tꞌéoonalhdzin ꞌinkꞌez la lerwe Pharaoh Joseph oonatnéke bubulh ꞌúdantsꞌo.

1 Corinthians 13:5

Ndi be nékꞌetsꞌinsiꞌ-i, ꞌi gha ꞌaw ꞌuyoonne hoontsiꞌ kꞌunꞌa bubulh útsꞌootꞌeꞌ ꞌaitꞌoh. ꞋAw whenichꞌoh hukwa ꞌuzninzun te néꞌtsꞌootꞌen ꞌaítꞌoh. ꞋI gha ꞌaw ꞌa cho tsꞌonólchꞌe ꞌaítꞌoh ꞌinkꞌez ꞌaw hoontsiꞌ-un huwun nuní uznoozut ꞌaítꞌoh.