Genesis 44:8 - Yak'usda Ooghuni

⁸ Nilhꞌen ndi sooniya yun kꞌut Canaan tsꞌe ha natsꞌandzai, neꞌezdlai-i bet natsꞌinꞌaiꞌ-i. Ntsꞌenꞌa silver kꞌus gold bulh ꞌi nemoodih ooyoh ꞌet tsꞌuduntitꞌih?

Genesis 44:8 Iomraidhean Croise

Genesis 42:21

ꞋEt ꞌulhodutni, “ꞋAlhaꞌ nekꞌehoonkatne tsinli. Neulhutsin oozul netsꞌutedudlih inleꞌ ꞌinkꞌez ꞌaw lhtsꞌuditsꞌil, ꞌet huwa njan nekꞌehooltsꞌut.”

Genesis 42:27

ꞋEt nehunina ꞌilhoghun nyoo ꞌeꞌuzdla-i kꞌunayanꞌuk, nyoon dughunaꞌ yughaꞌ tiꞌalh ha, nehunina-un soo ꞌudedo nyoo sooniya ꞌet usdzai yutilhꞌen.

Genesis 42:35

ꞋEt ꞌuhooja, duꞌezdla-i huye ha ꞌalhkat whe ꞌilhoghun dune buzooniya yukꞌelha yulhtsi-i, ꞌi be ꞌuzdla-i be yuzdzai ꞌet hitilhꞌen. Bubá cha yunilhꞌen. Tube hunilhjoot.

Genesis 43:12

Sooniya nawh ꞌuniltsuk-i, ꞌi toohdzaih ꞌinkꞌez nyoo sooniya nohba denahuyandzai inleꞌ-i, ꞌi cha toohdzaih, nahunitꞌa whutilah ꞌuhuja.

Genesis 43:18

ꞋEt nyoonne dune whe hunuljut, Joseph ooyoh tsꞌe dabunila, ꞌinkꞌez ꞌuhutni, “Nyoo sooniya ꞌi ka la neꞌinla neꞌuzdla-i be nahuyandzai-i ꞌudechoo njan daneuninla. Nechꞌaz nedutadalh-un ꞌet hukwunuta ꞌulhnane kꞌunꞌa neutalhchulh nyoo ghunaꞌ, donkey cha.”

Genesis 44:7

ꞋInkꞌez ꞌuhuyulhni, “ꞋEt di ha smoodih ndi khuni ꞌi be nebulh yailhduk? ꞋAw mba ꞌutꞌenne ꞌaw whuz unꞌa ndulhutsꞌutꞌen wheꞌ hoontꞌoh.

Matthew 19:18

ꞋEt ꞌuyulhni, “Kꞌus ndai wheꞌ dini?” Jesus ndúyulhni, “Dune sólhghelh junih! Tsꞌekoo bulh nintaꞌontꞌen junih! ꞋUndunontꞌih junih! ꞋUyoonne ba hontsꞌit junih!

Romans 13:9

ꞋEt khuni Yakꞌusda whutlꞌa ídanꞌai-i, ꞌi dune úlhni, “Tsꞌekoo kꞌus dune bulh nintaꞌoohtꞌen junih, dune soolhghelh junih, ꞌundunoohtꞌih junih, ꞌuyoonne ba hoohtsꞌit junih, ꞌuyoonne chꞌeꞌ haꞌ noohzin junih.” Ntsꞌenꞌa la kꞌenatsꞌusiꞌ, whuz unꞌa nohbulh dune bukꞌehtsꞌiꞌ de, ꞌet de ndi Yakꞌusda khuni whutlꞌa ídanꞌai-i ꞌinkꞌez ꞌonghoh-i cha, tsꞌiyawh ookwꞌúneꞌ zuhtꞌen wheꞌ hoontꞌoh.