Genesis 44:7 - Yak'usda Ooghuni

⁷ ꞋInkꞌez ꞌuhuyulhni, “ꞋEt di ha smoodih ndi khuni ꞌi be nebulh yailhduk? ꞋAw mba ꞌutꞌenne ꞌaw whuz unꞌa ndulhutsꞌutꞌen wheꞌ hoontꞌoh.

Genesis 44:7 Iomraidhean Croise

Genesis 35:22

ꞋEt ꞌuhooja Israel nyo yun kꞌut hootꞌeꞌ whe Reuben ꞌen Bilhah nyoon oobá ooꞌat ꞌen yugha nyus ꞌuntꞌoh, ꞌen yuchantꞌinteꞌ ꞌinkꞌez Israel whulh ꞌudantsꞌo. ꞋInkꞌez Jacob ooyeꞌke tsꞌiyawh whunizyane ꞌon ꞌat nane hinli.

Genesis 44:6

ꞋEt butꞌasuya ꞌinkꞌez ndi khuni ꞌi be bubulh yailhduk.

Genesis 44:8

Nilhꞌen ndi sooniya yun kꞌut Canaan tsꞌe ha natsꞌandzai, neꞌezdlai-i bet natsꞌinꞌaiꞌ-i. Ntsꞌenꞌa silver kꞌus gold bulh ꞌi nemoodih ooyoh ꞌet tsꞌuduntitꞌih?

Hebrews 13:18

Neba tenadoohdli. Tsꞌihꞌun unꞌa tꞌetsꞌoninzun neyo tsꞌe oogha tꞌetsꞌoninzun-i ꞌaw hoonli-unyaz hoontsiꞌ-un whughu hooloh. Whuz unꞌa za tsꞌuhootátun hukwa ꞌuzninzun.