Genesis 42:6 - Yak'usda Ooghuni

⁶ ꞋEt Joseph nyo usda-un dulcho whe bumoodih unli. ꞋEn za ndi lhes maiꞌ yeꞌ ooket keyoh whuduneꞌne tsꞌun. ꞋEt Joseph bulhutsinke whusahandil ꞌinkꞌez hibut soo yoo yo cho yo ꞌuhuntutsulh ꞌankwꞌus yun nonutꞌa whe.

Genesis 42:6 Iomraidhean Croise

Genesis 18:2

Ndo yutanꞌen ꞌinkꞌez yutilhꞌen, tane dune yuzih nudilhya whe butilhꞌen. Nimbali dati tsꞌe dudilgai ꞌinkꞌez bududilhgai ꞌinkꞌez soo yun tsꞌe bubut nachaniti.

Genesis 19:1

ꞋEt hulhgha nyoonne lizas nane Sodom tsꞌe hoozꞌaz. Lot Sodom dati-un ꞌet usda, Lot hubutilhꞌen dudinya ꞌinkꞌez bubut nachaniti.

Genesis 33:3

ꞋEt whe butso neninya ꞌinkꞌez yubut nachaniti, lhtakꞌantꞌit ꞌet yubut nachaniti ꞌet dulhutsin yuzih neninya.

Genesis 41:43

ꞋInkꞌez bulh nanki nyoo luwagin huyilh-i, chariot huyulhni, ndai la yutꞌi-i, ꞌi ye noyaꞌ yulhni, ꞌinkꞌez ntso uyalh-un ꞌen dugwut nyo yuntootsih yubut ꞌinkꞌez Egypt yun kꞌut nduwhulcho whe whumoodih unli yulhtsi.

Genesis 41:54

ꞋInkꞌez lhtakꞌantꞌit yus kꞌut dai hoonli-un wheꞌ whuditꞌen. Joseph daja ni la whuz unꞌa, ndulcho whe dai whuzdliꞌ. ꞋEt hoontsꞌi Egypt yun kꞌut ꞌet ꞌutꞌalh-i hoonli.

Genesis 41:57

Yun kꞌut totsuk whutꞌenne ꞌenne Egypt yun kꞌut whuz Joseph hitsꞌun lhgha dindel, ha nuyeh hootakulh ha. Dai cho ꞌi yun kꞌut nduhoolhcho whe be ꞌuhooja ꞌet huwa.

Genesis 44:14

ꞋEt Judah ꞌinkꞌez dulhutsinke Joseph ooyoh tsꞌu nahoosdil, ꞌawhuz ꞌet ꞌutꞌen, hibut ꞌet yun nachaniti.

Genesis 45:26

ꞋInkꞌez hidaniꞌ, “Joseph ꞌawhuz khuna ꞌinkꞌez Egypt yun kꞌut ndulcho whe moodih unli.” ꞋEt Jacob oodzi ꞌankwꞌus ꞌetsul ꞌuja, ꞌaw hiba ꞌalha lheꞌdusnih ꞌet huwa.

Genesis 45:8

ꞋEt ꞌandit nohni iloh ndiz whe silhꞌaꞌ. Yakꞌusda (Elohim) ꞌen Pharaoh cha oobá sulhtsi ꞌinkꞌez ooyoh cha whumoodih ꞌusli. ꞋInkꞌez Egypt yun kꞌut ndulcho whucha whumoodih ꞌusli.

Genesis 48:12

ꞋEt Joseph dugwut zih uzyin whuz de habalhti ꞌinkꞌez soo yun tsꞌe nenintꞌai yubut nachaninti.

Acts 7:10

ꞌinkꞌez la dzoh nutizut-un whuchꞌa nayulhti. ꞋEt Pharaoh, Egypt whulerwe, yubut nenínya whe Yakꞌusda whunih cha yulhtsi, ꞌinkꞌez lerwe yótꞌeꞌ ha ꞌet cha yugha óoninꞌai. ꞋEt lerwe Pharaoh ꞌen duyoh cha ꞌinkꞌez keyoh dulcho whe cha whumoodih yulhtsi.

Revelation 3:9

Soo zulhtsꞌai, nyoonne Satan oolugliz whutꞌenne, ꞌenne lizwif hinli hutni ꞌet hoontsꞌi huwhutsꞌit wheꞌ hutni, ꞌaw lizwif lhuhiloh. ꞋAw nawh lheꞌhootꞌoh, nohghu bunúsdla ꞌinkꞌez nohbut teniꞌ hunilhdzun ubutiselh. ꞋEt huwa tꞌehonózin nohkꞌesiꞌ inleꞌ.