Genesis 41:8 - Yak'usda Ooghuni

⁸ ꞋEt ꞌuhooja bundadaꞌ ndi ooyughi tube ꞌutsꞌun unꞌa ooba ꞌuhooja, ꞌinkꞌez Egypt whutꞌen keyoh-un mbene neꞌdulhdeh cha ꞌinkꞌez mbene la whunihne cha, ꞌenne bukaꞌ daniꞌ ꞌinkꞌez Pharaoh daja la nusuti-un ꞌet hubudaniꞌ. ꞋInkꞌez tsꞌiyawh ꞌaw gak ndet ꞌuhoontꞌoh-un ꞌet ꞌaw lhuhidusnih, tꞌehonuszun.

Genesis 41:8 Iomraidhean Croise

Genesis 40:6

ꞋInkꞌez Joseph bughu daninya bundadaꞌ, ꞌinkꞌez bunilhꞌen, ꞌinkꞌez nahultꞌoh ni hinli.

Genesis 40:8

ꞋInkꞌez ꞌuhuyulhni, “Naníltꞌoh ꞌandit ꞌulhdzis nusítez ꞌinkꞌez daja ni whe ꞌutni-un, ꞌaw nedoniꞌne hooloh.” ꞋInkꞌez Joseph ꞌubulhni, “Ndet huwa ꞌet nusuhtez-un, Yakꞌusda ꞌen za iloh lakw ba ꞌuhoontꞌoh. Tꞌewhuntihzeh hukwaꞌ nuzun de, sudúhni.”

Genesis 41:15

ꞋEt Pharaoh ꞌen Joseph ꞌuyulhni, “Nususti ꞌinkꞌez ꞌaw dune sudoniꞌne hooloh. Dasja whe ꞌustꞌen nyun nyulh ꞌudastsꞌo tꞌeooninzun, dune nutes-un ꞌinkꞌez hubudini.”

Genesis 41:24

Nyoo lhtakꞌantꞌi ꞌutsiꞌ-i dindat-iyaz, ꞌi nyoo ꞌudechoo lhtakꞌantꞌi dincha-i tsꞌiyawh yanꞌal. ꞋInkꞌez neꞌdulhdehne budasniꞌ, ꞌet hoontsꞌi ꞌaw daja ni whe ꞌutni ꞌaw sulhodinel.”

Genesis 41:7

ꞋInkꞌez nyoo lhtakꞌantꞌi ha nalhyai-i, ꞌi nyo lhtakꞌantꞌi nzoo cha ꞌuntꞌoh ꞌinkꞌez ncha, ꞌi yanꞌalh. ꞋEt Pharaoh tsꞌe ninzut ꞌinkꞌez ꞌalha nusuti.

Matthew 2:1

ꞋEt ꞌawet yun kꞌut Judea, keyoh Bethlehem whuzꞌai-un, ꞌet Jesus whuzdli. ꞋOh daꞌ whuz unꞌa Herod lerwe unli whe ꞌuhooja. Whunulhꞌen whuzdli hukwꞌelhꞌaz ndaꞌ whutꞌenne keyoh Jerusalem tsꞌe hoozdil. ꞋEnne whunihne Majine hubuhútnine.

Acts 17:18

ꞋEt Epicureanne ꞌinkꞌez Stoicne dune hodulhꞌehne huwun huyulh yálhduk. Whulohne howu yahalhduk, “Ndun iloh te neꞌduniꞌ-un, daja dutinelh hukwaꞌ ninzun whe ꞌutni,” hutni. ꞋEt ꞌuyoonne cha hutni, “Ndun ꞌuyoonne buyakꞌusdane, ꞌenne bughu yalhduk dududli whe ꞌutni,” hutni. Paul, Jesus ꞌinkꞌez dunadija-un huwun bubulh yálhdak ꞌet huwa hutni.

Acts 7:22

Egypt whutꞌenne ndai la huyé whunih-i tsꞌiyawh la whuhuyodalhꞌeꞌ. ꞋEt dune ncha-un suliꞌ ooghuni gha cha ꞌinkꞌez be ꞌutꞌen cha.

1 Corinthians 1:19

ꞋEt whuz unꞌa Yakꞌusda ooghuni ꞌukꞌeguz, “Whunih naꞌdudilꞌine, ꞌenne hiye whunih-i musai tiselh, ꞌinkꞌez mbe la tsꞌiyantsuk tꞌeooninzunne, ꞌenne hiye tꞌeooninzun-i gak tiselh.”