Genesis 41:57 - Yak'usda Ooghuni

⁵⁷ Yun kꞌut totsuk whutꞌenne ꞌenne Egypt yun kꞌut whuz Joseph hitsꞌun lhgha dindel, ha nuyeh hootakulh ha. Dai cho ꞌi yun kꞌut nduhoolhcho whe be ꞌuhooja ꞌet huwa.

Genesis 41:57 Iomraidhean Croise

Genesis 12:10

ꞋEt ꞌuhooja nyo keyoh dai whuzdliꞌ ꞌinka Abram Egypt tsꞌe wheinya tube dai whuzdliꞌ ꞌet huwa.

Genesis 41:54

ꞋInkꞌez lhtakꞌantꞌit yus kꞌut dai hoonli-un wheꞌ whuditꞌen. Joseph daja ni la whuz unꞌa, ndulcho whe dai whuzdliꞌ. ꞋEt hoontsꞌi Egypt yun kꞌut ꞌet ꞌutꞌalh-i hoonli.

Genesis 41:56

Ndi yun kꞌut ndulcho whe dai whuzdliꞌ ꞌinkꞌez Joseph ꞌuzdla bayoh Egypt ꞌet dahaꞌ danla. ꞋInkꞌez Egypt whutꞌen ye butsꞌeꞌ ooket. Tube dai be oonujut suliꞌ Egypt yun kꞌut.

Genesis 42:1

ꞋEt Jacob yun kꞌut Egypt ꞌet lhes maiꞌ hoonli whunilhꞌen ꞌet duyeꞌ ꞌubulhni, “Di ha ꞌantsꞌi lhunulhꞌen?”

Genesis 42:5

ꞋEt Israel ooyeꞌke whuz lhes maiꞌ hootakulh ha whuz whehandil, Canaan ꞌet cha dai hoonli ꞌet huwa.

Genesis 42:6

ꞋEt Joseph nyo usda-un dulcho whe bumoodih unli. ꞋEn za ndi lhes maiꞌ yeꞌ ooket keyoh whuduneꞌne tsꞌun. ꞋEt Joseph bulhutsinke whusahandil ꞌinkꞌez hibut soo yoo yo cho yo ꞌuhuntutsulh ꞌankwꞌus yun nonutꞌa whe.

Genesis 43:1

Tubeh nyo yun kꞌut dai be oonisjoot.

Genesis 47:14

ꞋInkꞌez Joseph ndai la Egypt sooniya, tsꞌiyawh nayalhdzoo. Canaan yun kꞌut cha ndai la lhes ha nuyeh-i huyonket-i, ꞌinkꞌez ndi Joseph, Pharaoh ooyoh tsꞌe wheyanꞌai.

Genesis 50:20

ꞋEt nohni tube hoontsiꞌ hukwꞌunꞌa ꞌusutilelh kꞌunꞌa ꞌusuhla, ꞌet hoontsꞌi Yakꞌusda (Elohim) ꞌen ooba hoonzoo hukwꞌunꞌa ꞌuhoonla, ꞌandit dzin wheni dune lhane hubutisyih ha.