Genesis 41:54 - Yak'usda Ooghuni

⁵⁴ ꞋInkꞌez lhtakꞌantꞌit yus kꞌut dai hoonli-un wheꞌ whuditꞌen. Joseph daja ni la whuz unꞌa, ndulcho whe dai whuzdliꞌ. ꞋEt hoontsꞌi Egypt yun kꞌut ꞌet ꞌutꞌalh-i hoonli.

Genesis 41:54 Iomraidhean Croise

Genesis 41:27

ꞋInkꞌez lhtakꞌantꞌi musdoos daningi ꞌinkꞌez ꞌutsiꞌ-i, nyoo musdoos unzoo-i yukꞌelhꞌaz too hailhꞌaz-i, ꞌi cha lhtakꞌantꞌit yus kꞌut ꞌuntꞌoh. ꞋInkꞌez ndi ha nanyai-i lhtakꞌantꞌi ndaz nilhtsi whe ꞌutsiꞌ suliꞌ-i, ꞌi cha lhtakꞌantꞌi yus kꞌut dai whutaleh-i, ꞌi ꞌuntꞌoh.

Genesis 41:30

ꞋEt hoontsꞌi, hukwꞌelhꞌaz lhtakꞌantꞌit yus kꞌut ꞌet dai whutaleh ꞌinkꞌez daltsuk iloh hoonli inleꞌ, Egypt ꞌet dune whunaoodutilnoh ꞌinkꞌez nyoo dai yun dulcho gak yutilhtselh.

Genesis 41:53

ꞋEt lhtakꞌantꞌit yus kꞌut tsꞌiyaitsuk lhai dai hooloh-un, Egypt yun kꞌut ꞌet ꞌetsul ꞌuhooja.

Genesis 42:2

ꞋInkꞌez ꞌet ꞌutni, “Egypt ꞌet lhes maiꞌ hoonli ꞌet whulh ꞌudastsꞌo, whuz uhdulh ꞌinkꞌez ꞌet neba oohket ꞌet de sih tsꞌuhoonaꞌ ꞌinkꞌez yatsꞌilhosdla.”

Genesis 43:1

Tubeh nyo yun kꞌut dai be oonisjoot.

Genesis 45:11

ꞋEt njan ookwꞌut yinka dutalhtsꞌilh-i ꞌi nohgha tisꞌaih doo ka sih nyun cha ꞌinkꞌez nyoh dilhtsꞌine cha, ndai ꞌintꞌi-i cha telhꞌen ooleꞌ ꞌawhuz kwulat yus kꞌut dai whutaleh wheꞌ hoontꞌoh.”’

Genesis 47:13

ꞋEt ꞌaw njan yun kꞌut ꞌutꞌalh-i hooloh, tube dai be oonisjoot ꞌet huwa. Egypt yun kꞌut cha ꞌinkꞌez Canaan yun kꞌut cha tube tehulꞌen ndi dai ꞌi gha.

Acts 7:11

ꞋEt Egypt ꞌinkꞌez Canaan whulh ndulcho whe dai whuzdliꞌ. Tube dune dzoh nudeh kꞌet netsodaꞌne ꞌaw tꞌalh-i nahólelh ꞌaitꞌoh.