Genesis 41:16 - Yak'usda Ooghuni

¹⁶ ꞋEt Joseph ꞌen Pharaoh ꞌuyulhni, “ꞋAw si syo tsꞌe ꞌilho ꞌuhoontꞌoh. Yakꞌusda ꞌen la Pharaoh hoonzoo hukwꞌunꞌa yudoniꞌ.”

Genesis 41:16 Iomraidhean Croise

Genesis 37:14

ꞋEt whe Israel ꞌuyulhni, “Sla ꞌineh whe, inyalh nyulhutsinke soo ꞌuhintꞌoh whe, khuna-i cha soo ꞌuntꞌoh whe, ꞌinkꞌez khuni ꞌi whuz sba natonꞌalh.” ꞋEt whe njan Hebron whenkoh ꞌet whe yalhꞌaꞌ ꞌinkꞌez Shechem tsꞌe whenya.

Genesis 40:8

ꞋInkꞌez ꞌuhuyulhni, “Naníltꞌoh ꞌandit ꞌulhdzis nusítez ꞌinkꞌez daja ni whe ꞌutni-un, ꞌaw nedoniꞌne hooloh.” ꞋInkꞌez Joseph ꞌubulhni, “Ndet huwa ꞌet nusuhtez-un, Yakꞌusda ꞌen za iloh lakw ba ꞌuhoontꞌoh. Tꞌewhuntihzeh hukwaꞌ nuzun de, sudúhni.”

Genesis 41:17

ꞋEt Pharaoh ꞌen Joseph ꞌuyulhni, “Whunilhꞌen, nuste whe ꞌukoh taba susyin ꞌet huwun nususti.

Genesis 41:25

ꞋEt Joseph ꞌen Pharaoh ꞌuyulhni, “Ndi Pharaoh ooghun nusinti-i, ꞌilho za unli whe ꞌuntꞌoh, Yakꞌusda (Elohim) Pharaoh ꞌen wheinilhtan datinelh lah.

Genesis 41:28

Ndi ꞌi Pharaoh ooghun bulh yasduk, Yakꞌusda (Elohim) Pharaoh wheinilhtan datitꞌelh-un.

Luke 19:42

ꞋInkꞌez ꞌet ndutni, “Nohni Jerusalem whutꞌenne, ꞌandit dzinuncha tꞌeoonahzun nohdzin ꞌuhoontꞌoh. ꞋEt huwa daꞌ tꞌeoonóhzin ntsꞌenꞌa whe nohba whudutághel-un. ꞋEt ꞌandit nohna chꞌa whuntistꞌi.

Acts 3:12

ꞋEt Peter ꞌubunilhꞌen ꞌinkꞌez ubúlhni, “Israel ootsꞌu hainzutne, di ha nenulhꞌen ꞌinkꞌez whe nóhgha ꞌunjaz? ꞋAw whenichꞌoh be tsꞌinzoo kꞌus be tsꞌílhtus ꞌi gha iloh ndun dune nuya natsꞌúlhtsi.

Acts 3:7

ꞋInkꞌez Peter ndun dune nulhúsyoh-un nailhnih tsꞌe yula ilhchoot ꞌinkꞌez dedilhya ibulh ooke, ookechunoh tubulh hoolhtus whuzdliꞌ.

1 Corinthians 15:10

ꞋEt hoontsꞌi Yakꞌusda ye unzoo-i, ꞌi gha ntsꞌenꞌa dastꞌoh, ꞌet whuz unꞌa za ꞌustꞌoh. ꞋInkꞌez Yakꞌusda whe stsꞌun únzoo-i, ꞌaw ꞌantsꞌi lheꞌhóotꞌoh. ꞋEt whelꞌaꞌne butoh buba nus ꞌultus-i be ꞌistꞌen. ꞋAw si iloh, Yakꞌusda ye unzoo-i sulh ꞌúntꞌoh, ꞌi be ꞌústꞌen.

2 Corinthians 3:5

ꞋEt hoontsꞌi ndi ꞌutꞌen huba whenichꞌoh duba sóo uzdutneh whe ndi ꞌutꞌen ꞌutsꞌulhꞌih, ꞌet ꞌaw whuz unꞌa lhtsꞌunízun. ꞋEt kꞌus Yakꞌusda ꞌen gha za neghaltsꞌut whe ndi ꞌutꞌen huba sóo uzdutneh ꞌet huwa.