Genesis 4:8 - Yak'usda Ooghuni

⁸ ꞋEt Cain dudulhutsin Abel yulh yailhduk, ꞌet ꞌuhooja nus tlꞌo kꞌut ꞌuhintꞌoh whe, Cain dudulhutsin Abel yuchꞌaz nedinja ꞌinkꞌez yuzilhghi.

Genesis 4:8 Iomraidhean Croise

Genesis 4:25

Adam doo cha duꞌat tꞌenanzin whe ooyaz dune suliꞌ, ꞌen Seth yulhni. Eve ꞌutni, “Yakꞌusda (Elohim) ꞌuyeꞌ sgha nilhti, ꞌen Abel yukꞌenaidalhti, Cain yuzilhghi-un.”

Matthew 23:35

ꞋEt hukwa nohkꞌehootaltsꞌulh. Mbe tsꞌihꞌun ꞌuntꞌoh buzkaiꞌ yun kꞌut nájul, bughá ꞌutihnelh nohkꞌehootaltsꞌulh. ꞋOh daꞌ Abel ꞌen ꞌuja buzkaiꞌ yun kꞌut nájul. ꞋEt Zechariah buzkaiꞌ yun kꞌut nájul ꞌet whutsꞌun. ꞋEn Berechiah ooyeꞌ. ꞋEn lugliz whucho ꞌinkꞌez loodel eguz nohtsodaꞌne, hizilhghi inleꞌ.

Luke 11:51

Abel buzkaiꞌ whuzdliꞌ-un whutsꞌun ꞌinkꞌez Zacharias buzkaiꞌ whuzdliꞌ daꞌ ꞌuntꞌoh, Zacharias lugliz whucho ꞌinkꞌez loodel eguz ꞌet hizilhghi, ꞌalhaꞌ nohdusni, ꞌoh daꞌ dahooja la, ꞌet ꞌandit whudizulhne dune, nohni hukwꞌelha whutilhtselh whe ꞌahtꞌoh.

Luke 22:48

ꞋInkꞌez Jesus ꞌuyulhni, “Judas, Yinka Dune Yeꞌ nadutántsꞌoos ꞌi be eh whunistꞌi whe whutlꞌa tálhtelh?”

Hebrews 11:4

Abel Yakꞌusda ooba ꞌalhaꞌ yintꞌoh. ꞋI be ꞌuja dulhutsin Cain ꞌen anus unzoo-i Yakꞌusda loodel kꞌut yuba ídalhkꞌun. Ndi huwa íninꞌai-i, ꞌet Yakꞌusda hoonzoo kꞌunꞌa yughu yalhduk. Abel dazsai hukwꞌelhꞌaz hoontsꞌi ntsꞌenꞌa daja-un, ꞌet ooghun nebulh yaínduk, Yakꞌusda tsꞌihꞌun dune ꞌuntꞌoh yulhni.

Hebrews 12:24

ꞋInkꞌez Jesus ooghu nahya, ꞌen ndi ꞌandit khuni neba lhaídinla-i, ꞌen neba ꞌukꞌelha whulhtsi-un, ꞌen cha ꞌet usda. ꞋInkꞌez ndi ꞌuskaiꞌ neba nadíltꞌiꞌ, ꞌi be nelubeshi tsꞌiyawh neba gak suliꞌ, ꞌet Abel yuzilhghi whe buzkaiꞌ yun nadíltꞌiꞌ, ꞌi anus hoonzoo-un whunénilhtan, ꞌet cha ꞌet whuzꞌai.

Jude 1:11

Dawhultsiꞌ-un butsꞌu hóoltsꞌulh! ꞋEnne cha Cain duhulꞌen. ꞋEt huwa dawhultsiꞌ-un butsꞌu hóoltsꞌulh! ꞋEt ndun Balaam nanitꞌa hukwꞌunꞌa ꞌuja. ꞋEnne cha whuz unꞌa za tube sooniya ghu dahóoditꞌoh. ꞋEt ndun Korah dahoontꞌoh huwa Moses chꞌaz nedinja-un, ꞌenne cha ꞌen kꞌunꞌa ha hadla.