Genesis 4:7 - Yak'usda Ooghuni

⁷ Soo ꞌantꞌen, ꞌaw lakw ꞌuyoo neba lheꞌhootazooꞌ? ꞋEt ꞌaw soo lheꞌzintꞌen de, ꞌutꞌen untsiꞌ-i dati ꞌusꞌai whe ꞌuntꞌoh. ꞋInkꞌez nkaꞌ ninzun whe ꞌuntꞌoh, ꞌet hoontsꞌi whuchꞌa whumoodih ꞌonleꞌ.”

Genesis 4:7 Iomraidhean Croise

Genesis 19:21

ꞋInkꞌez ꞌet ꞌuyulhni, “Whunilhꞌen tube nla ꞌusja wheꞌ hoontꞌoh njan keyoh whuyaz ꞌaw gak hooselh ꞌaitꞌoh huwu yailhduk-un.

Genesis 3:16

ꞋEt tsꞌeke ꞌulhni, “Ndzi unduda-un ꞌinkꞌez datantꞌelh-un ꞌonus ꞌuwhulcho whutiselh, nyulh ꞌultsꞌulh whe nyuzkeh whutaleh, nki ookaꞌ untanzilh ꞌinkꞌez nyumoodih tileh.”

Acts 10:35

ꞋEt hoontsꞌi mbene la ndi yun kꞌut Yakꞌusda dílhtiꞌne ꞌinkꞌez tankꞌus ꞌutitꞌelh whénuljutne, ꞌenne Yakꞌusda buka datni ntsꞌoh ꞌudun yun kꞌut whutꞌenne ꞌet hoontsꞌi.

Romans 12:1

Sulhutsinke Yakꞌusda ye negha teꞌ ninzun-i, ꞌi be nohtsꞌu tédusdlih, lubeshi yit whe be huhna-i ꞌilhiz wheni Yakꞌusda oogha ínahꞌaih. ꞋEt nduhja de, Yakꞌusda hootátꞌeꞌ ꞌinkꞌez whuz unꞌa tsꞌihꞌun unꞌa oobaꞌ tihtꞌelh.

Romans 14:18

Mbe la Christ ndiz unꞌa yuba ꞌutꞌen-un Yakꞌusda tube yúlh hoontꞌiꞌ ꞌinkꞌez dune cha buba tsꞌihꞌun ꞌutꞌen.

Romans 15:16

ꞋEt de la Jesus Christ ooba ꞌustꞌen-un usli, ꞌudun yun kꞌut whutꞌenne Yakꞌusda ooghuni ghun bubulh yaoosduk ha. ꞋEt de la Ndoni Yakꞌusda ba ꞌudun nelyane huzdliꞌ ꞌinkꞌez Yakꞌusda hoontꞌiꞌ whe la ubólhchoot.

Romans 6:12

ꞋEt huwa lubeshi nohmoodih ooleꞌ junih, ꞌinkꞌez kꞌuneꞌ nohoolꞌen junih!

Romans 6:16

ꞋAw tꞌewhunuzúhzun? ꞋEt ꞌilhoghun dune ootlꞌáꞌ dudilhya de, ndet hukwaꞌ ninzun-un ꞌoh teneꞌ tihtꞌen, ꞌet de ꞌen be ꞌulhna ꞌahtꞌoh. ꞋEt whuz unꞌa za lubeshi ootlꞌáꞌ dudilhya de, lubeshi be úlhna ꞌahtꞌoh, ꞌinkꞌez ꞌilhiz wheni kwuncho yo ꞌet tsꞌu tihdulh, ꞌi nohba kꞌelha tileh. ꞋEt hoontsꞌi Yakꞌusda ootlꞌáꞌ dudilhya de, Yakꞌusda be ꞌulhna tihleh, ꞌinkꞌez Yakꞌusda nohdutánelh tsꞌihꞌun ꞌahtꞌoh, ꞌet whuz unꞌa nohba kꞌelha whutáleh.

Ephesians 1:6

ꞋI gha ye unzoo diztiꞌ-i, ꞌi uzdólhtiꞌ. ꞋEt whuz unꞌa duYeꞌ yukꞌensiꞌ-un, ꞌen ooba sooꞌ tsꞌuldzooꞌ nesulhtsi.

1 Timothy 5:4

ꞋEt hoontsꞌi ndunne tsandilh buzkeh hoonline, kꞌus oochaike hoonline, ndunne tsandilh yutsꞌu haindene, ꞌenne duloo tsꞌihꞌun unꞌa higholeꞌ. ꞋEt whe Yakꞌusda be ꞌutꞌen kꞌoh whutaleh. ꞋEt ꞌudechoo duyoh dilhtsꞌine bubodólhtiꞌ, ꞌinkꞌez dudusneke bulaꞌ hootꞌen. ꞋEt hoonzoo wheꞌ hoontꞌoh ꞌinkꞌez Yakꞌusda butsꞌu hukwaꞌ ninzun.

Hebrews 11:4

Abel Yakꞌusda ooba ꞌalhaꞌ yintꞌoh. ꞋI be ꞌuja dulhutsin Cain ꞌen anus unzoo-i Yakꞌusda loodel kꞌut yuba ídalhkꞌun. Ndi huwa íninꞌai-i, ꞌet Yakꞌusda hoonzoo kꞌunꞌa yughu yalhduk. Abel dazsai hukwꞌelhꞌaz hoontsꞌi ntsꞌenꞌa daja-un, ꞌet ooghun nebulh yaínduk, Yakꞌusda tsꞌihꞌun dune ꞌuntꞌoh yulhni.

James 1:15

Ndutsꞌutꞌen de, ꞌet ntsꞌenꞌa la hukwaꞌ ꞌuzninzun kꞌunꞌa whe lubeshi ꞌutsꞌulhꞌih-un, ꞌet lubeshi wheditꞌiꞌ. Lubeshi ꞌutsꞌulhꞌen te, ꞌi gha datsꞌútsaih.

1 Peter 2:5

ꞋInkꞌez nohni cha tse khuna-i, ꞌi kꞌunꞌa ꞌahtꞌoh. ꞋEt whuz unꞌa Ndoni ꞌen lugliz whucho nohni nohbéꞌ whulneh. ꞋInkꞌez ꞌen be nohnih Yakꞌusda ba lubretne ꞌahtꞌoh. ꞋEt whe ndai la Ndoni nohtsꞌo hukwaꞌ ninzun-un, ꞌet Jesus Christ ꞌen be ndai la Yakꞌusda ooba sooꞌ yintꞌoh-i, ꞌi oogha ióhlelh.