Genesis 4:4 - Yak'usda Ooghuni

⁴ Abel cha ꞌusbai ꞌudechoo whuzdli-i nilhkꞌa whe whuz wheyanla ꞌinkꞌez Moodihti (Yahweh) Abel yudilhtiꞌ ꞌinkꞌez yuba soo ꞌuja.

Genesis 4:4 Iomraidhean Croise

Genesis 15:17

ꞋEt ꞌuhooja, hulhgha sa yo wheinꞌai whe tsaholhgus whuzdliꞌ. Whunulhꞌen lhes ꞌutes-un lhut ootsꞌa hadanꞌa ꞌinkꞌez daltꞌai bulh ꞌi ndi khuna-i lhtsꞌeltꞌaz-i beguz lhuyuzkat.

Genesis 4:3

ꞋEt whudizulh whutoh Cain yun whumaiꞌ, Moodihti (Yahweh) gha italelh ha yughi ninla.

Hebrews 11:4

Abel Yakꞌusda ooba ꞌalhaꞌ yintꞌoh. ꞋI be ꞌuja dulhutsin Cain ꞌen anus unzoo-i Yakꞌusda loodel kꞌut yuba ídalhkꞌun. Ndi huwa íninꞌai-i, ꞌet Yakꞌusda hoonzoo kꞌunꞌa yughu yalhduk. Abel dazsai hukwꞌelhꞌaz hoontsꞌi ntsꞌenꞌa daja-un, ꞌet ooghun nebulh yaínduk, Yakꞌusda tsꞌihꞌun dune ꞌuntꞌoh yulhni.

Hebrews 9:22

ꞋEt Moses be ꞌudustlꞌus ꞌi be ꞌankwꞌus tsꞌiyaitsuk ꞌet ndi ꞌuskaiꞌ ꞌi be whuz unꞌa lhoditsun nahudlih. ꞋAw ꞌuskaiꞌ bukꞌélhdulhtꞌi de, ꞌaw lubeshi bubunayoodeh ꞌaitꞌoh.

Revelation 13:8

ꞋInkꞌez ndi yun kꞌut dilhtsꞌine, ꞌenne tsꞌiyawh ndi khuna-iti ntsiꞌ-i hitsꞌun teniꞌ huntilhdzilh. Ndun ꞌusbaiyaz ꞌudechoo ndi yun ꞌuhóolya whutsꞌun ꞌudaꞌ lháoodintꞌoh hizilhghi, ꞌenne ndi ꞌilhiz ꞌinkꞌez ꞌilhiz wheni tsꞌukhuna-un be ꞌudustlꞌus kꞌut bubooziꞌ ꞌukꞌu lhíguzne, ꞌenne ꞌuhintꞌoh.