Genesis 4:20 - Yak'usda Ooghuni

²⁰ ꞋInkꞌez Adah, ꞌen Jabal ooyaz suliꞌ. ꞋEn buzkehkene nimbali bet huwhutꞌi ꞌinkꞌez khuna-i ꞌi nulhyeh.

Genesis 4:20 Iomraidhean Croise

Genesis 25:27

ꞋEt nyoonne duneyaz huniyilh, Esau ꞌen tube ꞌukaꞌ ꞌutꞌen-un ꞌinkꞌez chuntoh whuduneꞌ whe ꞌuyoo unli. ꞋEt hoontsꞌi Jacob ꞌen tꞌedusnih-un dune unli, nimbali tꞌah za whutꞌi.

Genesis 4:19

ꞋEt Lamech nane tsꞌekoo ilhchoot, duꞌatke eni, ꞌilhoghun ooꞌat, Adah booziꞌ ꞌinkꞌez ꞌon ꞌat-un ꞌen Zillah huyulhni.

Genesis 4:2

ꞋEt doo cha Eve ꞌulhtsi, ꞌandit ꞌet bulhutsin Abel ꞌen ꞌusbai ghunli unli, ꞌet Cain ꞌen yun ghana-un suliꞌ.

Genesis 4:21

Bulhutsin booziꞌ Jubal, ꞌen ndi harp ꞌinkꞌez flute hiyulhni ꞌi be hujun, ꞌenne tsꞌiyawh hube ꞌabá.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

Hebrews 11:9

Be ꞌalha ꞌuhoontꞌoh-i, ꞌi be yun yutsꞌe ooziya, ꞌi oochꞌeꞌ tileh. ꞋUtsꞌun keyoh whutꞌen-un unli njan yun kꞌut usda. Nimbali bet za whutꞌi. Isaac ꞌinkꞌez Jacob ꞌenne cha ꞌen kꞌunꞌa nimbali be za huwhutꞌi. ꞋEnne cha Abraham ye yutsꞌu náhizya-un, ꞌenne bubulh buchꞌeꞌ whutaleh.