Genesis 4:2 - Yak'usda Ooghuni

² ꞋEt doo cha Eve ꞌulhtsi, ꞌandit ꞌet bulhutsin Abel ꞌen ꞌusbai ghunli unli, ꞌet Cain ꞌen yun ghana-un suliꞌ.

Genesis 4:2 Iomraidhean Croise

Genesis 3:23

ꞋEt huwa Moodihti Yakꞌusda (Yahweh Elohim) njan ha nuyeh kꞌet, Eden, ꞌet tenabunilhꞌaꞌ, ꞌinkꞌez njan yun whutꞌas tileh ꞌi ootsꞌu ha itsꞌalhti ꞌet, ootꞌeꞌ ha.

Genesis 37:13

ꞋInkꞌez Israel, Joseph ꞌulhni, “Nyulhutsinke Shechem tsꞌe whuz khuna-i ghaꞌ huꞌaih. ꞋAnih whuz nyutoosꞌa sih!” ꞋEt ꞌuyulhni, “A, njan susda.”

Genesis 4:1

ꞋEt Adam duꞌat Eve, tꞌeinanzin ꞌinkꞌez ooꞌat ulchan ꞌinkꞌez Cain ꞌen yulhtsi ꞌinkꞌez ꞌutni, “Moodihti (Yahweh) tsꞌun dune sgha ninzut.”

Genesis 4:3

ꞋEt whudizulh whutoh Cain yun whumaiꞌ, Moodihti (Yahweh) gha italelh ha yughi ninla.

Genesis 47:3

ꞋEt Pharaoh bulhutsinke ꞌubulhni, “Ndet la huwahna?” ꞋEt ꞌuhuyulhni, “Mba ꞌutꞌenne, ꞌusbai ghunline tsinli, wheni cha ꞌinkꞌez nebákene cha.”

Genesis 9:20

ꞋInkꞌez Nowe ha nuyeh-i ghana-un suliꞌ, duchun oomaiꞌ hoonli-i ꞌet ꞌuhoonla.

Luke 11:50

ꞋEt yun ꞌudechoo ꞌulya ꞌet whutsꞌun ndunne nus hooꞌenne bubuzkaiꞌ whúzdliꞌne, nohni ꞌandit whudizulhne dune nohni hukwꞌelha whutilhtselh wheꞌ hoontꞌoh.

Luke 11:51

Abel buzkaiꞌ whuzdliꞌ-un whutsꞌun ꞌinkꞌez Zacharias buzkaiꞌ whuzdliꞌ daꞌ ꞌuntꞌoh, Zacharias lugliz whucho ꞌinkꞌez loodel eguz ꞌet hizilhghi, ꞌalhaꞌ nohdusni, ꞌoh daꞌ dahooja la, ꞌet ꞌandit whudizulhne dune, nohni hukwꞌelha whutilhtselh whe ꞌahtꞌoh.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

1 John 3:10

ꞋEt ndiz unꞌa Yakꞌusda buzkeh ꞌinkꞌez netsudule buzkeh cha tꞌehunudzun: Mbe la tsꞌihꞌun nulheꞌustꞌen, kꞌus dudulhutsin kꞌelhísiꞌ, ꞌen Yakꞌusda uniyalh-un iloh whe ꞌuntꞌoh.

1 John 3:12

Ndun Cain ꞌen kꞌunꞌa iloh. ꞋEn ndun ntsiꞌ-un uniyalh-un inleꞌ ꞌinkꞌez dudulhutsin yuzilhghi. Ndet hukwa yinla yuzilhghi? Be ꞌutꞌen untsiꞌ ꞌinkꞌez bulhutsin ꞌen tsꞌihꞌun neꞌutꞌen, ꞌet hukwaꞌ yinla.

1 John 3:15

Mbe dulhutsin tsꞌu dutni-un, ꞌen neghan-un ꞌuntꞌoh. ꞋInkꞌez tꞌeoonáhzun mbe neghan-un, ꞌen ꞌilhiz be tsꞌukhuna-i ooghu whe yooloh whe ꞌuntꞌoh.