Genesis 4:16 - Yak'usda Ooghuni

¹⁶ ꞋEt Cain Moodihti (Yahweh) chꞌa suya ꞌinkꞌez yun kꞌut Nod huwhutni-un ꞌet nenina, haꞌ nuyeh kꞌet Eden ꞌon daz tsꞌe.

Genesis 4:16 Iomraidhean Croise

Genesis 3:8

ꞋEt nawhudunikꞌaz whe Moodihti Yakꞌusda (Yahweh Elohim) ha nuyeh kꞌet ꞌoh nuya whe hiditsꞌo ꞌinkꞌez Adam duꞌat bulh ha nuyeh kꞌet duchun toh Moodihti Yakꞌusda (Yahweh Elohim) hichꞌa untilhꞌi.

Genesis 4:14

ꞋAlha ꞌandit dzin whutsꞌun ndi yun kꞌut suntinyoot nyunin ba whuꞌiz ꞌutistꞌelh, ndi yun kꞌut nunulꞌiꞌ-un ꞌinkꞌez yoh lhuhootꞌiꞌ-un tisleh, ꞌinkꞌez mbe nasilhti-un sutuzilhghelh whe ꞌuntꞌoh”.

Genesis 4:17

ꞋInkꞌez Cain duꞌat tꞌeinanzin, ulchan ꞌinkꞌez Enoch ooyaz whuzdli. ꞋInkꞌez keyoh whuti ꞌuhoonla ꞌinkꞌez duyeꞌ booziꞌ, Enoch be hoozi.

Matthew 18:20

ꞋEt huwa sooziꞌ gha nane kꞌus tane ꞌilhunaoodilh de, butoh ꞌustꞌoh wheꞌ hoontꞌoh.”

Luke 13:26

ꞋInkꞌez laꞌ ꞌudoohniꞌ, ‘Nyulh ꞌutsꞌuꞌalh ꞌinkꞌez nyulh ꞌútsꞌutnaiꞌ. ꞋInkꞌez nekeyoh whuti daꞌ whuneoodilhꞌe inleꞌ.’

John 1:10

Yun kꞌut indaꞌ. Ndi yun ꞌuyínla ꞌet hoontsꞌi yinka duneꞌ tꞌehinózin.

John 1:3

ꞋEn la toh tsꞌe tsꞌiyaitsuk ꞌulya ínleꞌ. Di la ꞌulya-i toh ꞌaw ꞌilhoghi lheꞌyílel-i hooloh.

1 Thessalonians 1:9

ꞋEnne didutchꞌoh nohni nohghun nebulh nahuhoolnuk ꞌet whe kꞌeke nedáhtni. ꞋInkꞌez ntsꞌenꞌa ꞌukꞌeltsi nohba ꞌalhaꞌ ꞌuntꞌoh-un, ꞌet whuchꞌa nasahdil whe Yakꞌusda tsꞌu nasulhya. Yakꞌusda, mbe khuna-un, ꞌinkꞌez ꞌalhaꞌ Yakꞌusda unli-un, ꞌen za ooba oohtꞌen ha.