Genesis 39:9 - Yak'usda Ooghuni

⁹ ꞋAw njan yoh ꞌaw sanus ꞌulchone hooloh. ꞋAw hoonli cha schꞌa nulhonulhꞌiꞌ. ꞋEt ꞌandit nyun ꞌen ooꞌat inli, ꞌet huwa ntsꞌenꞌa ꞌutisnelh lheꞌwhulcho-un, lheꞌwhultsiꞌ-un ꞌet ꞌutisnelh ꞌinkꞌez Yakꞌusda oochꞌaz lubeshi nedutasdalh?”

Genesis 39:9 Iomraidhean Croise

Genesis 13:13

ꞋEt hoontsꞌi nyoonne Sodom dunene tubeh hintsiꞌ, ꞌinkꞌez Moodihti (Yahweh) chꞌaz lubeshi ꞌuhulhꞌen.

Genesis 20:3

ꞋEt hoontsꞌi Yakꞌusda (Elohim) Abimelech ꞌulhdzis nute whe yughu ninya ꞌinkꞌez ꞌuyulhni, “A, dune dazsai-un inli whe ꞌintꞌoh ndun tsꞌeke ilhchoot-un ꞌuyoon dune ꞌat ꞌuntꞌoh.”

Genesis 20:6

ꞋInkꞌez Yakꞌusda (Elohim) ꞌuyulhni nute whe, “A, tꞌeoonuszun ndzi tsꞌihꞌun ꞌuntꞌoh whe ꞌinja ꞌinkꞌez si cha nintaꞌtantꞌelh-un whuchꞌa nyostun whe ꞌustꞌoh ꞌet huwa ꞌaw ootalhanal.

Genesis 20:9

ꞋInkꞌez Abimelech, Abraham ꞌanih yudaniꞌ ꞌinkꞌez ꞌuyulhni, “Dane ꞌinla whe ꞌintꞌoh? Ndet whe tankꞌus ꞌunyusla ha lheꞌhoontꞌoh-un skꞌehoonꞌai ꞌinkꞌez njan whulerwe ꞌusli-un cha ꞌutꞌen untsiꞌ-i cha? ꞋAw ndusonleꞌ hubaꞌ lheꞌhootꞌoh whuz unꞌa ꞌusinla.”

Genesis 24:2

ꞋEt Abraham yuba ꞌutꞌen-un yoo ꞌun uzulh-un, ꞌen yoh yuba huwunli-un tsꞌiyantsuk whumoodih yilhꞌi-un, ꞌen ꞌuyulhni, “ꞋAnih njan swuz tꞌah nedilnih.

Genesis 39:10

ꞋEt dzin totsuk yulh yalhduk, ꞌet hoontsꞌi ꞌaw lhidustsꞌo, yuchan tꞌeooteꞌ yulhni.

Genesis 41:40

Syoh ꞌet ndulcho whumoodih tanleh. Nyun daja dini, whuz unꞌa sduneꞌne cha neꞌhutitꞌen. Njan lerwe kwꞌutsꞌuzda cho kꞌususda-un, ꞌet ꞌawet za nyando ꞌutistꞌelh.”

Genesis 42:18

ꞋEt Joseph ꞌubulhni whulh tat dzin-un, “ꞋEt nduhneh ꞌinkꞌez hoohnaꞌ, Yakꞌusda (Elohim) be nuzjut ꞌet huwa.

Luke 12:48

ꞋEt hoontsꞌi mbe tꞌeoonúszun dumoodih ndet la yutsꞌu hukwaꞌ ninzun-un, ꞌinkꞌez dude ꞌutꞌen kꞌoh huwa ootaltsus huba, dzoh tsulyaz za ootaltsus. ꞋEt mbe la dune lhai oogha ntꞌai-un, ꞌen lhat-un yutsꞌu hukwaꞌ ntizilh. ꞋInkꞌez mbe la lhat-un ootlꞌa hoolya, ꞌon nus lhat-un yutsꞌu hukwaꞌ untizilh.”

1 Corinthians 4:2

ꞋAw ꞌet za iloh, mbe la yutlꞌa honꞌai-un, ꞌet ndun dune hitꞌaninootan hubaꞌ hoontꞌoh.

Titus 2:10

ꞋInkꞌez ꞌaw bughu lheꞌhundunoostꞌi. Kꞌus dumoodihne tsꞌun tsꞌihꞌun unꞌa ꞌuhootꞌeꞌ, hoonzoo kꞌunꞌa whúbunilhtun-un ꞌet la whutꞌaz ꞌuhootꞌeꞌ. ꞋEt de la Yakꞌusda neulhyis-un, ooghuni be whutsꞌodulꞌeh-i tsꞌiyantsuk whe ꞌon nus unzoo ooleꞌ.

Hebrews 13:4

Lhghuzdilhtsꞌí-un, tsꞌiyanne ba ꞌuhoontꞌoh, ꞌinkꞌez whudíztiꞌ. Lhghu dilhtsꞌine whuꞌiz whe dulili kꞌut duhutꞌen-un, ꞌaw lhuhóohtsiꞌ wheꞌ hoontꞌoh. ꞋEt hoontsꞌi mbe ꞌuyoonne tsꞌekoo kꞌus ꞌuyoonne dune bulh nintaꞌutꞌihne, ꞌenne Yakꞌusda buba nahutiyeh wheꞌ hoontꞌoh.

1 John 3:9

Kꞌus mbe Yakꞌusda yé ulhtus-i bé whuzdli-un, ꞌen lubeshi lheꞌulhꞌen. Ndi Yakꞌusda tsꞌu hainzut-i, ꞌi be ꞌilhiz wheni tsꞌuhutinalh, ꞌinkꞌez ꞌilhiz wheni yulh ꞌuntꞌoh. ꞋEt mbene ꞌi be whuzdline, ꞌenne ꞌaw lubeshi ꞌuhoolhꞌen ꞌaitꞌoh.

Revelation 21:8

ꞋEt hoontsꞌi mbene la whénuljutne, ooba ꞌalhaꞌ lheꞌhóotꞌohne, hubaꞌ whuninzun tuneꞌ ꞌutꞌenne, neghanne cha, hoontsiꞌ túneꞌ ꞌutꞌenne, duyunne, ꞌukꞌeltsi tsꞌun tenadudline, ꞌinkꞌez whutsꞌitne cha, ꞌenne tsꞌiyawh nyo bunghun dúwhulcho-un kwun sulphur be dizkꞌun-un, ꞌet ꞌuwhutitꞌelh. ꞋEt whúlh nat yatsꞌitádlah-un ꞌuhoontꞌoh.”

Revelation 22:15

ꞋEt hoontsꞌi njan keyoh whuti yoo ꞌaz tsꞌe, ꞌet lhike ndultꞌohne, ꞌinkꞌez duyunne, dune kꞌus tsꞌekoo bulh níntaꞌ ꞌutꞌihne, neghane cha, ꞌinkꞌez ꞌukꞌeltsi tsꞌun tenadudline cha, ꞌinkꞌez mbene hoohóontꞌiꞌ whe huwhutsꞌitne, ꞌenne tsꞌiyawh yoo ꞌaz tsꞌe ꞌuhintꞌoh.