Genesis 39:6 - Yak'usda Ooghuni

⁶ ꞋEt ndai la yutꞌi-i, tsꞌiyawh Joseph yula kꞌeyanla, ꞌaw didut tꞌeoonuszun di ꞌutꞌi, ꞌutꞌalh-i yuꞌalh-i, ꞌi yuꞌalh. ꞋInkꞌez Joseph dunezooꞌ, ooyustꞌe dulcho whe unzoo, sooꞌ otꞌen cha ꞌuntꞌoh.

Genesis 39:6 Iomraidhean Croise

Genesis 29:17

Leah oona soo lheꞌíltus, ꞌet hoontsꞌi Rachel tubeh sooꞌ otꞌen.

Genesis 39:23

ꞋEt nyo ꞌahudinla-un whumoodih, Joseph ndai la yughana-i ꞌaw lhinilhꞌen, Moodihti (Yahweh) yulh ꞌuntꞌoh ꞌet huwa. ꞋInkꞌez ntsꞌoh datꞌen ndai la yughana tsꞌiyawh Moodihti (Yahweh) diztiꞌ yulhtsi.

Genesis 39:4

ꞋInkꞌez Joseph tube ooba yinzoo ꞌinkꞌez yuba ꞌutꞌen. ꞋEt ooyoh dulcho whumoodih unli yulhtsi, ꞌinkꞌez ndai la yutꞌi-i cha tsꞌiyawh yula kꞌeyanla.

Genesis 39:8

ꞋEt hoontsꞌi yuchꞌa tse disnih, ꞌinkꞌez nyoon oomoodih ooꞌat ꞌuyulhni, “Whunilhꞌen smoodih ꞌaw njan yoh dastꞌen ꞌet tꞌeoonuszun. Ndai la yutꞌi-i cha tsꞌiyawh sla kꞌeyanla. ꞋEt ꞌinkꞌez ndi yutꞌi, ꞌi tsꞌiyawh stlꞌa honla slakꞌez tsꞌe.

Genesis 43:32

ꞋEt didutchꞌoh ꞌutiꞌulh-un hiba neꞌninla, ꞌinkꞌez nyoonne cha didutchꞌoh ꞌet ꞌuhutiꞌulh-un buba neꞌninla. ꞋInkꞌez Egypt whutꞌenne ꞌenne cha didutchꞌoh duba neꞌhuninla. ꞋAw Egypt whutꞌenne, Hebrew whutꞌenne ꞌaw bubulheꞌhusꞌal, Egypt whutꞌenne buba hoontsiꞌ.

Luke 16:10

Hoonli lhuhóloh-un, tsꞌihꞌun neꞌwhulhꞌen de, ndai hooncha-un ꞌet cha tsꞌihꞌun neꞌwhutilhꞌen. ꞋEt mbe la hoontsool-unyaz be tankꞌus ꞌuntꞌoh-un, hooncha-un cha whuz unꞌa za ꞌet ndutitꞌelh.

Luke 19:17

ꞋInkꞌez ꞌuyulhni, ‘Seꞌulhna-un, tube soo ꞌínja! Ntsool-iyaz ntlꞌasꞌai-i, tsꞌihꞌun unꞌa be neꞌzintꞌen. ꞋEt huwa whunizyat-un keyoh whuti whumoodih tanleh ꞌet ntlꞌa hóosꞌai.’

Acts 7:20

ꞋEt ꞌoh daꞌ la Moses whuzdli, ꞌen tube dunezooꞌ ꞌinkꞌez Yakꞌusda yukꞌensiꞌ whe tat sanun ꞌet la dubá ooyoh hinalhyai.