Genesis 39:5 - Yak'usda Ooghuni

⁵ ꞋEt yoh moodih yulhtsi ꞌet whutsꞌun ꞌinkꞌez ndai la yutꞌi-i cha tsꞌiyawh yutlꞌa yanla. ꞋEt huwa Moodihti (Yahweh) nyoo Egypt whutꞌen ooyoh dilhtsꞌine soo hoonzoo-un bugha whultsꞌut. ꞋInkꞌez ndai la yutꞌi-i cha, yoh yutꞌi-i cha ꞌinkꞌez ootlꞌo kꞌuz cha yutꞌi-i, tsꞌiyawh Moodihti (Yahweh) soo hoonzoo-un oogha whultsꞌut.

Genesis 39:5 Iomraidhean Croise

Genesis 12:2

Tube didoh-un ncha-un nyutiselh, soo hoonzoo-un ntsꞌun tiszooꞌ ꞌinkꞌez nyooziꞌ cha ncha tiselh. ꞋInkꞌez ꞌuyoonne ba soo hoonzoo-un bugha hóotaltsꞌulh ꞌintꞌoh nyutiselh.

Genesis 19:29

ꞋEt ꞌuhooja Yakꞌusda (Elohim) nyo keyoh gak whulhtsi hukwꞌelhꞌaz ꞌet Yakꞌusda (Elohim) Abraham nalnih ꞌinkꞌez Lot nyo hootꞌeꞌ-un keyoh gak whulhtsi ꞌuchꞌa nayulhꞌa ꞌinkꞌez ꞌutsꞌun whe yalhꞌaꞌ.

Genesis 30:27

ꞋInkꞌez Laban ꞌen ꞌuyulhni, “ꞋEt sinda, mba ꞌuszoo de! Tꞌeooniszin ꞌawet nyun ngha Moodihti (Yahweh) soo hoonzoo-un sgha ooninꞌai.”

Acts 27:24

ꞌinkꞌez ꞌutni, ‘Paul whéniljut iloh! Lerwe díztiꞌ-un oobut tanyin wheꞌ hoontꞌoh, ꞌinkꞌez Yakꞌusda nyudántsꞌo whe ye únzoo-i, ꞌi gha nyulh dédilhtsꞌine yalhotásdla.’

Ephesians 1:3

Yakꞌusda, Jesus Christ neMoodihti ooBá, ꞌen uzdílhtiꞌ. ꞋEn ꞌuntꞌoh Jesus Christ be yakꞌut whudiztiꞌ-un, ꞌet whunilhchoh Ndoni gha ndi negha ntꞌai.