Genesis 39:4 - Yak'usda Ooghuni

⁴ ꞋInkꞌez Joseph tube ooba yinzoo ꞌinkꞌez yuba ꞌutꞌen. ꞋEt ooyoh dulcho whumoodih unli yulhtsi, ꞌinkꞌez ndai la yutꞌi-i cha tsꞌiyawh yula kꞌeyanla.

Genesis 39:4 Iomraidhean Croise

Genesis 15:2

ꞋEt hoontsꞌi Abram ꞌutni, “Moodihti Yakꞌusda (Adonai Yahweh) di sgha tanꞌalh? ꞋAw suzkeh cha hooloh mbe la skꞌedutiyalh ꞌen Eliezer Damascus whutꞌen-un eh ꞌuntꞌoh?”

Genesis 18:3

ꞋInkꞌez ꞌutni, “SMoodih (Adonai) tube sba ꞌuszoo whe la ꞌusinla, ꞌandit khun te mba ꞌutꞌen-un senghonyaꞌ junih.

Genesis 19:19

ꞋAndit nohba ꞌutꞌen-un nohba unzoo be teꞌ nuhzun-i be ꞌonus whusunilhtan be khusna-i ba sulhyih, ꞌet hoontsꞌi ꞌaw ndo dzulh kꞌuz toosyaꞌ ꞌaitꞌoh doo ka si hoontsiꞌ sulh ꞌuhoneh ꞌinkꞌez la daoosah.

Genesis 24:2

ꞋEt Abraham yuba ꞌutꞌen-un yoo ꞌun uzulh-un, ꞌen yoh yuba huwunli-un tsꞌiyantsuk whumoodih yilhꞌi-un, ꞌen ꞌuyulhni, “ꞋAnih njan swuz tꞌah nedilnih.

Genesis 32:5

Khuna-i lhai ꞌustꞌi, musdoos cha, donkey cha, ꞌinkꞌez dune ꞌinkꞌez tsꞌekoo sba ꞌutꞌenne cha, hoonintꞌiꞌ whe la sonꞌen ꞌinka ntsꞌun whebisꞌaꞌ.”’”

Genesis 33:10

ꞋEt Jacob ꞌutni, “ꞋAwundooh! Sla ꞌineh, ꞌandit ꞌawet soo sunalhꞌen, ꞌet de ndi ntsꞌu tisdil-i ilhchoot ndet la nyisꞌen whe ꞌantsꞌi Yakꞌusda (Elohim) oonin nusꞌen sba leꞌ hoontꞌoh ꞌinkꞌez tubeh hoonintꞌiꞌ whe sunilhꞌen.

Genesis 33:8

ꞋEt Esau ꞌutni, “Daja ninzun whe ndi lheltsuk-i nyulh ꞌuhintꞌoh?” ꞋEt ꞌuyulhni, “ꞋI bududisya, ꞌet de la soo cho sunolhꞌen smoodih.”

Genesis 39:8

ꞋEt hoontsꞌi yuchꞌa tse disnih, ꞌinkꞌez nyoon oomoodih ooꞌat ꞌuyulhni, “Whunilhꞌen smoodih ꞌaw njan yoh dastꞌen ꞌet tꞌeoonuszun. Ndai la yutꞌi-i cha tsꞌiyawh sla kꞌeyanla. ꞋEt ꞌinkꞌez ndi yutꞌi, ꞌi tsꞌiyawh stlꞌa honla slakꞌez tsꞌe.

Acts 20:28

ꞋEt huwa nohni cha soo cho khohdleꞌ ꞌinkꞌez ndai la Yakꞌusda be ꞌusbai Ndoni ooghohleꞌ ha nohtlꞌábanla njan Yakꞌusda gha ꞌilhozdílne, ꞌenne ꞌusbai ghunline bubahli, duzkaiꞌ be duchꞌeꞌ ꞌubulhtsi inleꞌ ꞌet huwa.