Genesis 39:2 - Yak'usda Ooghuni

² ꞋEt Moodihti (Yahweh) Joseph yulh ꞌuntꞌoh ꞌinkꞌez tube soo dinꞌa suliꞌ. Nyoon Egypt whutꞌen oomoodih yinli-un ꞌen ooyoh usda.

Genesis 39:2 Iomraidhean Croise

Genesis 21:20

ꞋEt Yakꞌusda (Elohim) ndun duneyaz yulh ꞌuntꞌoh ꞌinkꞌez nizyai. ꞋInkꞌez nyo chuntoh ꞌet whutꞌi ꞌinkꞌez kꞌaza beꞌ tutsoh suliꞌ.

Genesis 21:22

ꞋEt ꞌuhooja ꞌowhuya whudizulh Abimelech ꞌinkꞌez Phicol, lhuganne bumoodih, Abraham huyulh yailhduk ꞌinkꞌez ꞌuhuyulhni, “Ntsꞌoh tila neꞌintꞌen-un tsꞌiyawh Yakꞌusda (Elohim) nyulh ꞌuntꞌoh.

Genesis 26:24

ꞋEt ꞌulhdzis za Moodihti (Yahweh) yunalhtsꞌet hainya ꞌinkꞌez ꞌutni, “Mbá Abraham ooYakꞌusda (Elohim) ꞌustꞌoh. Whenilhjut iloh, nyulh ꞌustꞌen ꞌinkꞌez soo hoonzoo-un mba whutiselh ꞌinkꞌez ntsꞌu haindene cha lhane hutileh, ndun sba ꞌutꞌen-un Abraham ꞌen gha.”

Genesis 26:28

ꞋEt hoontsꞌi ꞌuhuyulhni, “Soo tsꞌihꞌun ꞌalha tꞌetsꞌonanzin Moodihti (Yahweh) nyulh ꞌuntꞌoh. ꞋEt ꞌutsꞌutni, ‘Natsꞌuhooyeh nyun ꞌinkꞌez wheni tubulh natsꞌuhooyeh,’ huyulhni.

Genesis 28:15

Whunilhꞌen nyulh ꞌustꞌoh, ntsꞌoh teninya te, nyulh ꞌutistꞌelh ꞌinkꞌez ndi yun kꞌut nenyutastelh. ꞋEt ꞌawet nghu natisdulh datisnelh la nyudusni-un, ꞌet ꞌawhusla whutsꞌun.”

Genesis 39:23

ꞋEt nyo ꞌahudinla-un whumoodih, Joseph ndai la yughana-i ꞌaw lhinilhꞌen, Moodihti (Yahweh) yulh ꞌuntꞌoh ꞌet huwa. ꞋInkꞌez ntsꞌoh datꞌen ndai la yughana tsꞌiyawh Moodihti (Yahweh) diztiꞌ yulhtsi.

Genesis 39:3

ꞋInkꞌez oomoodih yunilhꞌen ꞌahoolhyiz Moodihti (Yahweh) yulh ꞌuntꞌoh ꞌinkꞌez oola kꞌez tsꞌiyawh be unzoo yulhtsi.

Matthew 1:23

“Whunulhꞌen ndun tsꞌeke ꞌaw dune tꞌenuszun-un tsꞌoodun ba ꞌuja, ꞌinkꞌez ooyaz dune tileh, booziꞌ Emmanuel hidutánelh, Yakꞌusda nebulh ꞌúntꞌoh, ni whe ꞌutni.”

Acts 8:31

“Ntsꞌénꞌa tꞌentászin? Dune hiye súnulhtun de, ꞌet de ndi daja ni whe ꞌutni-un nahósꞌalh,” yúlhni. ꞋInkꞌez la Philip, “Sghu dinyaih, ꞌinkꞌez szih sinda,” yúlhni.

1 Timothy 6:1

ꞋEt mbene ꞌulhna unline cha dumoodihne tsꞌihꞌun unꞌa bughu nuni hunoodeh whe soo cho ubodolhtiꞌ. ꞋEt nduhutꞌen de, ꞌet de Yakꞌusda booziꞌ ꞌinkꞌez ye whubodalhꞌeꞌ ꞌi cha ꞌaw ꞌuyoonne yuchꞌaz dotni ꞌaitꞌoh.