Genesis 39:1 - Yak'usda Ooghuni

¹ ꞋAndit whe Joseph ntsꞌun Egypt tsꞌe whehiyalhti, ꞌinkꞌez Potiphar, ꞌen budayi cho Pharaoh lhuganne ꞌen huba neꞌduniꞌ, ꞌen ꞌilhoghun bumoodih unli, ꞌen Egypt whutꞌen ꞌen yonket. Ishmael whutꞌenne tsꞌun ꞌen ntsꞌun whehuyalhti.

Genesis 39:1 Iomraidhean Croise

Genesis 37:25

ꞋInkꞌez natlꞌa hudiltsꞌiꞌ ꞌuhutiꞌulh wheni, ꞌet do hitanꞌen whe ꞌaz de Ishmael whutꞌenne ꞌaz de hidulh, Gilead tsꞌe ha handil. Camel duntꞌi-i khuna-i cha tsꞌiyawh bulh, bulh butaꞌwhutꞌen-i, lhai cha huyilelh, ꞌinkꞌez balm ꞌinkꞌez myrrh huyulhni, nduntꞌi-i cha Egypt tsꞌe huyutizdla.

Genesis 37:28

ꞋEt ndunne Medianne ooketne ꞌowhuya hidulh, ꞌet bulhutsinke Joseph nyo tsa kꞌet ha nahuyalhti ꞌinkꞌez nyoonne Ismail whutꞌenne, ꞌenne nat whunizyai (20) silver, ꞌi kꞌelha huye ꞌonket ꞌinkꞌez nyoonne Joseph huyilhchoot ꞌinkꞌez Egypt tsꞌe whehuyalhti.

Genesis 37:36

ꞋEt nyoonne Median whutꞌenne, yun kꞌut Egypt tsꞌe, nyoon Potiphar huyulhni, ꞌen tsꞌun huye ꞌonket. ꞋEn Pharaoh lhuganne moodih, nyo huwunline bumoodih cha unli.

Genesis 40:3

ꞋInkꞌez nahultꞌoh ꞌabanꞌai, nyoon Pharaoh lhuganne oodayi cho ooyoh, ꞌen tlꞌa balhti, Joseph ꞌadinꞌai-un ꞌet.

Genesis 45:4

ꞋEt Joseph dudulhutsinke ꞌubulhni, “ꞋAnih szih nenuhdilh.” ꞋInkꞌez hizih nenindil ꞌinkꞌez ꞌutni, “Joseph ꞌustꞌoh! Nohulhutsin Egypt tsꞌe be ꞌohket inleꞌ-un.

Acts 7:9

ꞋEt doo cha nohtsodaꞌne, Joseph bulhutsinke, ꞌenne la higheꞌ oolnih ꞌinka la Egypt tsꞌe hiye ꞌónket ꞌulhna tileh ha ꞌet hoontsꞌi Yakꞌusda yulh ꞌútꞌen,