Genesis 38:5 - Yak'usda Ooghuni

⁵ ꞋEt doo cha za ulchan ꞌinkꞌez duneyaz ooyaz suliꞌ. ꞋEn booziꞌ Shelah yulhni. Chezib keyoh huwhutni-un, ꞌet nyoon ooba ꞌet ꞌutꞌen whe yulhtsi.

Genesis 38:5 Iomraidhean Croise

Genesis 38:11

ꞋEt Judah duyasꞌat Tamar ꞌuyulhni, “Mbá ooyoh ꞌet sinda ꞌinkꞌez tsandilh za inli, ndun syeꞌ Shelah untiyeh whutsꞌun.” ꞋInkꞌez ꞌutni, “Doo ka sih dulhutsinke kꞌunꞌa daootsah.” ꞋInkꞌez Tamar dubá ooyoh tsꞌe whuz whutitꞌelh ha whenya.

Genesis 38:26

ꞋEt Judah ꞌutni, “A, schꞌeꞌ ꞌuntꞌoh. Sanus tsꞌihꞌun neꞌutꞌen, ꞌaw syeꞌ Shelah oogha lhuyustel ꞌet huwa.” ꞋInkꞌez ꞌon ꞌat ꞌaw tꞌenalhinidzil.

Genesis 38:6

ꞋEt Judah duyaz ꞌudetso-un, ꞌen ba tsꞌeke yughu tidalh ha yilhchoot. Ndun tsꞌeke booziꞌ Tamar huyulhni.

Genesis 46:12

Judah ooyeꞌke ꞌenne: Er, Onan, Shelah, Perez ꞌinkꞌez Zerah (ꞌet hoontsꞌi Er ꞌinkꞌez Onan bulh ꞌenne Canaan keyoh dahuzsai). Perez ooyeꞌke ꞌenne: Hezron ꞌinkꞌez Hamul bulh.