Genesis 37:2 - Yak'usda Ooghuni

² Jacob ntsꞌoh tuneꞌustꞌen: Joseph ꞌen whunizyat ꞌon ꞌat lhtakꞌantꞌit be yus kꞌut (17) ꞌet nus khuna-i ghaꞌ unꞌaih dulhutsinke tubulh, bubulh ꞌutꞌen nyoonne bulhutsinke ꞌenne Bilhah buzkeh ꞌinkꞌez Zilpah buzkeh cha, oobá ooꞌatke, ꞌenne bubulh ꞌutꞌen ꞌinkꞌez Joseph dubá ꞌen yulh nahoolnuk tankꞌus neꞌhutꞌen huwun.

Genesis 37:2 Iomraidhean Croise

Genesis 10:1

Ndunne ꞌenne Nowe ooyeꞌke tsꞌu haindene Shem, Ham ꞌinkꞌez Japheth, tsꞌiyawh buyeꞌke whuzdliꞌ dutadiltꞌo hukwꞌelhꞌaz.

Genesis 2:4

Njan ꞌet soo ꞌudechoo wheꞌ whuditꞌen hukwꞌelhꞌaz yakꞌuz ꞌinkꞌez yun kꞌut njan dzin Moodihti Yakꞌusda (Yahweh Elohim) ꞌen ndi yakꞌuz ꞌinkꞌez yun kꞌut ꞌuhoonla,

Genesis 30:4

ꞋInkꞌez Bilhah, Jacob gha inilti ooꞌat yoleꞌ ha ꞌinkꞌez Jacob yuchantꞌinteꞌ.

Genesis 30:9

ꞋEt Leah ꞌawet buzkeh hoonli-un ꞌetsul ꞌuja, ꞌet yuba ꞌutꞌen-un, Zilpah, ꞌen Jacob ooꞌat yoleꞌ ha yugha inilhti.

Genesis 35:22

ꞋEt ꞌuhooja Israel nyo yun kꞌut hootꞌeꞌ whe Reuben ꞌen Bilhah nyoon oobá ooꞌat ꞌen yugha nyus ꞌuntꞌoh, ꞌen yuchantꞌinteꞌ ꞌinkꞌez Israel whulh ꞌudantsꞌo. ꞋInkꞌez Jacob ooyeꞌke tsꞌiyawh whunizyane ꞌon ꞌat nane hinli.

Genesis 41:46

Joseph tat whunizyat (30) be yus kꞌut Pharaoh Egypt whulerwe but inyin whe ꞌinkꞌez Joseph nyo tenanja ꞌinkꞌez Egypt keyoh ndulcho whe nuya.

Genesis 42:8

ꞋEt Joseph dulhutsinke naboolhtsꞌit ꞌinkꞌez didut ꞌaw nalhuhuyooltsꞌulh.

Genesis 45:6

Nat yus kꞌut whutsꞌun njan dai honeꞌ. ꞋAwhuz kwulat yus kꞌut ꞌet ꞌaw dune ꞌaꞌ noolelh cha ꞌaitꞌoh, haꞌ hunoolelh cha ꞌaitꞌoh tileh.

Genesis 46:34

ꞋEt ꞌudoohniꞌ, ‘Mba ꞌutꞌenne bube ꞌutꞌen dakꞌez whutsꞌun, khuna-i gha hana tsꞌoodunne tsinli whutsꞌun ꞌandit whutsꞌun, wheni cha ꞌinkꞌez netsodaꞌ nebáke ꞌenne cha.’ ꞋEt de sih ndi yun kꞌut Goshen yun kꞌut hoohtꞌeꞌ, ꞌusbai ghunline tsꞌiyawh ꞌilhoghun hinli whe Egypt whutꞌenne bubaꞌ huninzun ꞌet huwa.”

Genesis 5:1

Ndi ꞌudustlꞌus, Adam tsꞌu haindene ghun ꞌuntꞌoh. Yakꞌusda (Elohim) ndet dzin ꞌuyinla dzin, Yakꞌusda (Elohim) ndotꞌen yulhtsi.

Genesis 6:9

Nowe tsꞌu haindene hukwꞌeguz ꞌet ꞌuhoontꞌoh. Nowe ꞌen tsꞌihꞌun dune unli, khuna daꞌ whe ꞌaw ookꞌeholtsꞌit hooloh. Nowe ꞌen Yakꞌusda (Elohim) bulh nuya inleꞌ.

John 7:7

Ndi yun kꞌut dunene ꞌaw nohni nohtsꞌo dootni ꞌaítꞌoh, ꞌet si stsꞌu hudutni. Tankꞌus ꞌúhutꞌen-un tsꞌiyawh ꞌet huwun ꞌubudúsni, ꞌet huwa.

1 Corinthians 1:11

Sulhutsinke Chloe ooyoh dilhtsꞌine, whulohne, ꞌenne bula toh tsꞌe nohni lhedahdulh-un whulh ꞌúdastsꞌo.

1 Corinthians 11:18

ꞋUdechoo khuni dustsꞌo-i ndet la Yakꞌusda ba ꞌilhunaoohdulh totsuk, ndet la ꞌilhunaoohdulh te, ꞌet hoontsꞌi whulohne nohtoh lhdulhyoh ꞌudahni, ꞌet whulh ꞌúdustsꞌo. ꞋInkꞌez sba ꞌalhaꞌ ꞌutni.

1 Corinthians 5:1

ꞋEt tsꞌiyanne whulh ꞌuhuditsꞌo, nohtoh dune tsꞌeke bulh lubeshi ꞌuhulhꞌen. ꞋEt nduhutꞌen-un, hukwaya hoonli kꞌet ꞌonghohne ꞌudun yun kꞌut whutꞌenne ꞌaw howu yahutoolhdih ꞌaitꞌoh. Tsꞌiyanne whulh ꞌuditsꞌo dune dubá ooꞌat ꞌen yuchan tꞌesti.