Genesis 34:9 - Yak'usda Ooghuni

⁹ ꞋInkꞌez nebulh lhgho dolhtsꞌiꞌ. Ntseꞌkene ꞌenne negha buninle ꞌinkꞌez wheni netseꞌke ꞌenne hubilhchoot.

Genesis 34:9 Iomraidhean Croise

Genesis 19:14

ꞋEt Lot teninya ꞌinkꞌez dughu ndankene ootseꞌke ghu dilhtsꞌine, ꞌinkꞌez ꞌubulhni, “Duduhdilh, njan whuchꞌa suhdilh! Moodihti (Yahweh) njan keyoh gak whutilhtselh!” ꞋEt ooghundankene ꞌenne buba ꞌantsꞌi la ꞌutni huninzun.

Genesis 24:3

ꞋInkꞌez Moodihti (Yahweh) yakꞌuz whuYakꞌusda (Elohim), ꞌinkꞌez yun kꞌut whuYakꞌusda (Elohim) cha, ꞌen nalh stsꞌun nahitanyeh, ꞌaw njan Canaan whutꞌenne, ꞌenne butoh whustꞌine buyaz tsꞌeke ꞌen syeꞌ dune ꞌaw ꞌenne butoh ꞌaw ooꞌat sba tizulalhchulh.

Genesis 27:46

Rebekah ꞌen Isaac ꞌuyulhni, “ꞋAwet tube be khúsna-un be nenisai, be khúsna-un be nenisai ndunne Heth butseꞌke kꞌuz. Ndunne ndi yun kꞌut whutꞌenne whutseꞌ leꞌ hintꞌoh. ꞋEt Jacob, ꞌen Heth butseꞌ ghusda te, ꞌet dantꞌi whe be khúsna-un sba ooleꞌ ha?”

Genesis 34:10

ꞋEt de sih nezih hoohtꞌeꞌ ꞌinkꞌez nyo yun cha ꞌet ꞌusꞌai, ꞌi kꞌut hoontꞌi ꞌinkꞌez hoohket ꞌinkꞌez ꞌeꞌoohket. Teꞌahtꞌen ꞌinkꞌez nohnichꞌoh eni nohgha ꞌoozit sih.”

Genesis 34:8

ꞋEt hoontsꞌi Hamor bubulh yalhduk ꞌinkꞌez ꞌubulhni, “Syeꞌ Shechem oozul ntseꞌ tube yukꞌeni unli ooꞌat yutaleh wheni oogha inilhtih.

Genesis 6:2

Yakꞌusda (Elohim) ooyeꞌke ꞌenne ndunne tsꞌekoo dune ootseꞌkene huhinzoo hubonilhꞌen. ꞋInkꞌez mbene la bukaꞌ huninzunne ꞌenne tsꞌekoo bubu hilhchoot, buꞌatke holeꞌ ha.