Genesis 34:5 - Yak'usda Ooghuni

⁵ ꞋEt Jacob whulh ꞌudantsꞌo yutseꞌ Dinah nintaꞌyunilhꞌen, ꞌet whulh ꞌudantsꞌo ꞌet nyoonne ooyeꞌke nus khuna-i bulh ꞌuhutꞌen ꞌinkꞌez Jacob ꞌaw whusanahidil whutsꞌun lhubudinel.

Genesis 34:5 Iomraidhean Croise

Genesis 30:35

ꞋEt dzin Laban ꞌen dune dúbe ookwꞌeꞌnizdla-i ꞌinkꞌez tsꞌeke dúbe ookwꞌeꞌnizdla-i cha, lhyul-i ookꞌut ꞌutꞌen-i ꞌinkꞌez ndai la dulba-i ꞌusbaiyaz toh, ꞌi tsꞌiyawh duyeꞌke bugha ininla.

Genesis 34:4

ꞋEt Shechem dubá Hamor yulh yalduk ꞌuyulhni, “Ndun tsꞌekeyaz ꞌen sꞌat tileh wheni sba ilhchoot.”

Genesis 34:6

ꞋEt Hamor, Shechem oobá, Jacob yughu ninya yulh yatilhduk huba.

Genesis 46:34

ꞋEt ꞌudoohniꞌ, ‘Mba ꞌutꞌenne bube ꞌutꞌen dakꞌez whutsꞌun, khuna-i gha hana tsꞌoodunne tsinli whutsꞌun ꞌandit whutsꞌun, wheni cha ꞌinkꞌez netsodaꞌ nebáke ꞌenne cha.’ ꞋEt de sih ndi yun kꞌut Goshen yun kꞌut hoohtꞌeꞌ, ꞌusbai ghunline tsꞌiyawh ꞌilhoghun hinli whe Egypt whutꞌenne bubaꞌ huninzun ꞌet huwa.”

Luke 15:25

ꞋEt ooyeꞌ, ꞌudetso whudilhdzulh-un ha níyeh tsꞌe ꞌutꞌen. ꞋEt yoh tsꞌu natisja whe whenghoh nadalh whe shun cha ꞌinkꞌez ha nudaih-un ꞌet whuduztsꞌai.

Luke 15:29

ꞋEt dubá uyúlhni, ‘Nilhꞌen lheꞌwhuldzoh mba ꞌustꞌen. ꞋInkꞌez ꞌaw nghuni ꞌilho hoontsꞌi kꞌulhúsyus. ꞋEt hoontsꞌi ꞌaw ꞌusbaiyaz hoontsꞌi sgha lhilhtel skꞌekene bubulh whúnosni ha.