Genesis 34:11 - Yak'usda Ooghuni

¹¹ ꞋEt Schechem ꞌen cha Dinah oobá ꞌinkꞌez bulhutsinke ꞌenne ꞌubulhni, “Nohba ꞌuszoo ooleꞌ. Daja suduhni-un ꞌet la nohgha ooslelh.

Genesis 34:11 Iomraidhean Croise

Genesis 18:3

ꞋInkꞌez ꞌutni, “SMoodih (Adonai) tube sba ꞌuszoo whe la ꞌusinla, ꞌandit khun te mba ꞌutꞌen-un senghonyaꞌ junih.

Genesis 32:6

ꞋEt nyoonne nukhuni nuꞌane Jacob highu nandil ꞌinkꞌez ꞌuhuyulhni, “Nyulhutsin Esau ooghuznindil. Didut cha ndiz nyudutiyalh, dit whunizyat whunizyat (400) ꞌet ꞌenne dune hiyulhtidulh.”

Genesis 33:15

ꞋInkꞌez Esau ꞌutni, “Ndunne sulh nudilhne, oolohne nzih neboslelh.” ꞋEt hoontsꞌi ꞌutni, “Smoodih, ꞌawundooh, sooꞌ hoontꞌoh! Soo cho sunoolhꞌen sih.”

Genesis 34:10

ꞋEt de sih nezih hoohtꞌeꞌ ꞌinkꞌez nyo yun cha ꞌet ꞌusꞌai, ꞌi kꞌut hoontꞌi ꞌinkꞌez hoohket ꞌinkꞌez ꞌeꞌoohket. Teꞌahtꞌen ꞌinkꞌez nohnichꞌoh eni nohgha ꞌoozit sih.”

Genesis 34:12

Daltsuk haꞌ nuhzun ꞌinkꞌez nohtsꞌu tisdulh-i. Daja duhni daltsuk-i ꞌinkꞌez ndun tsꞌekeyaz sꞌat tileh huba sgha nulhtih.”