Genesis 34:10 - Yak'usda Ooghuni

¹⁰ ꞋEt de sih nezih hoohtꞌeꞌ ꞌinkꞌez nyo yun cha ꞌet ꞌusꞌai, ꞌi kꞌut hoontꞌi ꞌinkꞌez hoohket ꞌinkꞌez ꞌeꞌoohket. Teꞌahtꞌen ꞌinkꞌez nohnichꞌoh eni nohgha ꞌoozit sih.”

Genesis 34:10 Iomraidhean Croise

Genesis 13:9

Nyoo yun lheꞌulcho-i nilhꞌen. Schꞌa sinyaiꞌ ꞌintlꞌus tsꞌe whuz inyalh ꞌinkꞌez si cha nailhni tsꞌe toosyaꞌ, kꞌus nyun nailhni tsꞌe inyalh ꞌinkꞌez si ꞌintlꞌus tsꞌe si toosyaꞌ.”

Genesis 20:15

ꞋInkꞌez Abimelech ꞌutni, “Whunilhꞌen ndi syun njan mbut whuzꞌai, ndet hukwaꞌ ninzun-un, ꞌet hoontꞌi.”

Genesis 34:11

ꞋEt Schechem ꞌen cha Dinah oobá ꞌinkꞌez bulhutsinke ꞌenne ꞌubulhni, “Nohba ꞌuszoo ooleꞌ. Daja suduhni-un ꞌet la nohgha ooslelh.

Genesis 34:9

ꞋInkꞌez nebulh lhgho dolhtsꞌiꞌ. Ntseꞌkene ꞌenne negha buninle ꞌinkꞌez wheni netseꞌke ꞌenne hubilhchoot.

Genesis 42:34

ꞋInkꞌez ꞌudekꞌoh-un nohulhutsin, ndiz toolhteꞌ. ꞋEt de la tꞌeoonooszin ꞌaw nulhdulhꞌenne lhuhloh, tsꞌihꞌun dune uhli ꞌinkꞌez ndun nohulhutsin nohtlꞌa natistelh ꞌinkꞌez njan ꞌet sih ꞌohket.’”

Genesis 47:27

ꞋEt Israel, Egypt yun kꞌut ꞌet hitꞌeꞌ, keyoh Goshen huwhutni-un ꞌet hootꞌeꞌ, lhai huyutꞌi-i ꞌutꞌi suliꞌ.