Genesis 34:1 - Yak'usda Ooghuni

¹ ꞋEt Dinah, Leah ooyatsꞌe, Jacob ghu yulhtsi inleꞌ-un, nyo tsꞌekoo nyoh whutꞌine, ꞌoh whutꞌine, ꞌenne butsꞌu tizya.

Genesis 34:1 Iomraidhean Croise

Genesis 26:34

ꞋEt Esau dit whinizyat (40) be yus kꞌut whe tsꞌekoo nane ꞌenne bughusda. ꞋIlhoghun Judith, Beeri ootseꞌ, Hitt whutꞌen-un ꞌuntꞌoh, ꞌinkꞌez Basemath, Elon, Hitt whutꞌen-un, ꞌen ootseꞌ bulh.

Genesis 27:46

Rebekah ꞌen Isaac ꞌuyulhni, “ꞋAwet tube be khúsna-un be nenisai, be khúsna-un be nenisai ndunne Heth butseꞌke kꞌuz. Ndunne ndi yun kꞌut whutꞌenne whutseꞌ leꞌ hintꞌoh. ꞋEt Jacob, ꞌen Heth butseꞌ ghusda te, ꞌet dantꞌi whe be khúsna-un sba ooleꞌ ha?”

Genesis 28:6

ꞋEt Esau, Isaac, Jacob ꞌen soo hoonzoo-un ꞌubulhni ꞌinkꞌez whe yalhꞌaꞌ yun kꞌut Paddan Aram, ooꞌat yutaleh-un yolhchoot ha, ꞌinkꞌez yuba soo hoonzoo-un whulhtsih whe ꞌet njan ꞌuyulhni, “Nyun Canaan whutꞌenne tsꞌekoo butoh, ꞌenne nꞌat wheni olhchoot junih!”

Genesis 30:13

ꞋEt Leah ꞌutni, “Hoonústꞌiꞌ, tsꞌekoo ꞌenne soo hoonzoo-un sgha whultsꞌut-un sodoniꞌ lah.” ꞋInkꞌez nyoon duneyaz Asher yulhni.

Genesis 30:21

ꞋEt hukwꞌelhꞌaz tsꞌeke ooyaz suliꞌ, ꞌen Dinah yulhni.

Genesis 33:20

ꞋEt nyo loodel ꞌinla ꞌinkꞌez El Elohe Israel whulhni.

Genesis 46:15

Ndunne Leah ooyeꞌke, ꞌenne Jacob ghu bulhtsi Paddan Aram tsꞌe. Ootseꞌ Dinah, ꞌen cha. Mbene la ooyeꞌke ꞌinkꞌez ootseꞌke cha tat whunizyai ꞌon ꞌat tane (33) hinli.

1 Timothy 5:13

ꞋInkꞌez cha tsehudutni-un huhodilꞌeꞌ ꞌinkꞌez kwun toh nuhuya. ꞋInkꞌez ꞌaw tsehudutni za iloh, ꞌughu yahulhduk ꞌinkꞌez ꞌuyoonne eꞌutꞌen kꞌoh huwu hinli chaꞌ hintꞌoh. ꞋAw neꞌhudooniꞌ huba lheꞌhootꞌoh, ꞌoh te neꞌhuduniꞌ.

Titus 2:5

Tsꞌihꞌun ni hunidoh, Yakꞌusda ba ꞌudun nebuninlane hutileh. Duyoh cha tsꞌihꞌun unꞌa howu hinli, hoozooꞌ, ꞌinkꞌez dukike bukꞌuneꞌ hootꞌen. ꞋEt de la ꞌuyoonne ꞌaw Yakꞌusda ooghuni chꞌaz yahoolhduk ꞌaitꞌoh.