Genesis 33:4 - Yak'usda Ooghuni

⁴ ꞋEt hoontsꞌi Esau ꞌaz de tilhgai, yududilhgai ꞌinkꞌez yilhchoot ꞌinkꞌez yutsꞌilchun kꞌet ꞌet naiditsꞌooz ꞌinkꞌez nahultꞌoh hantse.

Genesis 33:4 Iomraidhean Croise

Genesis 29:11

ꞋInkꞌez Jacob, Rachel naiditsꞌooz ꞌinkꞌez tube cho whenintse.

Genesis 29:13

ꞋEt ꞌuhooja Laban ndi khuni yudantsꞌo Jacob, bulhtus ooyaz, whuz oolhgai ꞌinkꞌez shih beꞌ yilchoot, ꞌinkꞌez naiditsꞌooz. ꞋInkꞌez duyoh dainilhti. ꞋEt Jacob Laban ndi tsꞌiyawh yudaniꞌ.

Genesis 32:11

Ntsꞌu tenadusdli sulhutsin Esau, ꞌen oola ꞌi chꞌa. ꞋEn be nuzjut doo ka sih ndiz sghu ninya ꞌinkꞌez seooyaꞌ ꞌinkꞌez suzkeh buloo tubulh.

Genesis 32:28

ꞋEt ꞌutni, “ꞋAw nyooziꞌ ꞌon ꞌun Jacob lhunyodutasnel. Israel nyo dutanelh. Yakꞌusda (Elohim) ꞌen bulh nulhuziltiꞌ, dune cha, ꞌinkꞌez ꞌenne buchꞌaꞌ nilhde.”

Genesis 43:30

ꞋEt oodzi tubeh dulhutsin yukꞌeni unli ꞌinkꞌez ꞌutsꞌun whe naja soo ꞌa cho. ꞋInkꞌez ꞌet whenintse, ꞌinkꞌez ꞌusti tsꞌe whuz dananja ꞌinkꞌez ꞌet ꞌutso.

Genesis 43:34

ꞋEt tsꞌiyawh bubut neꞌninkai, ꞌet hoontsꞌi Benjamin yuba deyanla, ꞌi kwulat ꞌi be ꞌonus ꞌultsuk, ꞌi yugha ininꞌai. ꞋInkꞌez too hitnaiꞌ ꞌinkꞌez hiyulh whunalhni.

Genesis 45:2

ꞋInkꞌez soo ꞌultus-un intse ꞌinkꞌez nyoonne Egypt whutꞌenne ꞌinkꞌez Pharaoh ooyoh cha tsꞌiyawh whulh hidantsꞌo.

Genesis 46:29

ꞋEt Joseph nyoo ye nuya-i, ꞌi lhaidinla, ꞌinkꞌez Goshen tsꞌe whenya, dubá Israel yudutizya ꞌinkꞌez yubut neninya. ꞋInkꞌez yutsꞌilchun kꞌet yukꞌiltsꞌut ꞌinkꞌez saꞌ whe ꞌet yutsꞌilchun kꞌet intse.

Luke 15:20

ꞋInka ꞌet ꞌawet dubá tsꞌu nátisja. ꞋAwhuz yoo ꞌaz de nádalh, oobá yutilhꞌen whe ꞌaho yugha teꞌninzin. Yududílhgaih ꞌinkꞌez duyeꞌ dushih beꞌ yilchoot ꞌinkꞌez naiditsꞌooz.

Acts 20:37

ꞋEt tsꞌiyawh hutso ꞌinkꞌez dushih beꞌ huyoltun whe, “Soo cho khondleꞌ,” huyúlhni.