Genesis 32:9 - Yak'usda Ooghuni

⁹ ꞋInkꞌez Jacob ꞌutni, “O sbá Abraham ooYakꞌusda (Elohim), sbá Isaac ooYakꞌusda Moodihti (Elohim Yahweh) ꞌusulhni, ‘Nkeyoh tsꞌe naindalh ꞌinkꞌez nyunatneke butsꞌun ꞌet whuz hoonzoo whe ꞌutanelh mba ootiselh’.

Genesis 32:9 Iomraidhean Croise

Genesis 17:7

ꞋInkꞌez khuni nyun bulh lhadilya-i, ꞌi ꞌet dutaꞌalh ntsꞌu haindene ꞌenne lhanꞌun te, ꞌilhiz wheni ndi khuni lhadutalneh, NYakꞌusda (Elohim) tisleh ꞌinkꞌez ntsꞌu haindene cha.

Genesis 28:13

ꞋInkꞌez whunilhꞌen ndo Moodihti (Yahweh) ꞌen usyin ꞌinkꞌez ꞌutni, “Si Moodihti (Yahweh) Abraham ooYakꞌusda (Elohim) mbá cha ꞌinkꞌez Isaac ooYakꞌusda (Elohim) cha ꞌustꞌoh. Ndi yun ookwꞌut sinti-i ꞌandit ngha tisꞌalh ntsꞌu haindene cha.

Genesis 28:15

Whunilhꞌen nyulh ꞌustꞌoh, ntsꞌoh teninya te, nyulh ꞌutistꞌelh ꞌinkꞌez ndi yun kꞌut nenyutastelh. ꞋEt ꞌawet nghu natisdulh datisnelh la nyudusni-un, ꞌet ꞌawhusla whutsꞌun.”

Genesis 31:13

Bethel whuYakꞌusda (El) ꞌen ꞌustꞌoh. Ndet daꞌ tse whedintsi-i soo ꞌinla ꞌinkꞌez stsꞌun nahuzinya ꞌawet dudinyaih ꞌinkꞌez njan keyoh whuchꞌa nasindaih ꞌinkꞌez nyunatneke bukeyoh tsꞌe naindalh.’”

Genesis 31:29

Soo ꞌustus whe ꞌustꞌoh nyunduntasdoh wheni. ꞋEt hoontsꞌi mbá ooYakꞌusda (Elohim) ꞌulhdzis daꞌ sulh yailhduk ꞌinkꞌez ꞌusulhni, ‘Huwinli ꞌaw tsꞌihꞌun unꞌa ꞌuhoontꞌoh kꞌus hoontsiꞌ hukwꞌunꞌa te Jacob bulh yaoolhduk junih.’

Genesis 31:3

ꞋEt Moodihti (Yahweh) Jacob ꞌuyulhni, “Mbá ooyun kꞌut tsꞌe naindalh, nyunchꞌoh nyunatneke butoh tsꞌe ꞌinkꞌez nyulh ꞌutistꞌelh.”

Genesis 31:42

Sbá ooYakꞌusda (Elohim) ꞌinkꞌez Abraham ooYakꞌusda (Elohim) ꞌinkꞌez Isaac be nuzjut-un sulh ꞌuhoontꞌoh de, ꞌet de soo tsꞌihꞌun ꞌaw slakꞌet hoonli hooloh whudaꞌ nasutolhꞌaꞌ ooleꞌ. Yakꞌusda (Elohim) ndet la hukwꞌe ndusda-un ꞌinkꞌez sla be ꞌistꞌen-un tsꞌiyawh honꞌen ꞌinkꞌez ꞌulhdzis daꞌ hukwaꞌ nyudaniꞌ!”

Genesis 31:53

Abraham ooYakꞌusda (Elohim), Nahor ooYakꞌusda (Elohim) ꞌinkꞌez bubá buYakꞌusda (Elohim) cha, ꞌen ne-eguz nahotiyeh.” ꞋInkꞌez Jacob dubá, kꞌus mbe ye nuljut-un, ꞌen ꞌi be nahizya.

Genesis 32:8

ꞋInkꞌez ꞌutni, “Esau njan ꞌilhoh ꞌudulhne bughu ninya ꞌinkꞌez whe buninghan de, ꞌonghuni ꞌudun ulhꞌus-i ꞌi la yuchꞌa nintaoolhghas.”

Genesis 49:25

Mbá ooYakꞌusda (El), ꞌen nlaꞌutinelh. ꞋInkꞌez ꞋUkꞌenus ꞋUltus-un (EL Shaddai), ꞌen soo hoonzoo-i za ntlꞌa ookat. Yakꞌuz tsꞌe hakat-i, ꞌi be mba soo hoonzoo-i ntlꞌa ookat. Yatoo tꞌah tsꞌe hoonli ꞌi be cha mba soo hoonzoo-i whutaleh. Tsꞌekoo butsꞌooꞌ tsꞌoodunne huye ꞌulhtuk-i be ꞌinkꞌez tsꞌekoo buchan cha mba soo hoonzoo-i ntlꞌa ookat whutaleh.