Genesis 32:7 - Yak'usda Ooghuni

⁷ ꞋEt Jacob tubeh nilhjoot ꞌinkꞌez huwu ni suliꞌ, duduneꞌ tsꞌiyawh nawh hidulh whe lhkꞌebanla, ndai la khuna-i ꞌinkꞌez musdoos cha tsꞌiyawh nyokhi camel ꞌi cha nawh ukulh whe lhkꞌeyanla.

Genesis 32:7 Iomraidhean Croise

Genesis 32:11

Ntsꞌu tenadusdli sulhutsin Esau, ꞌen oola ꞌi chꞌa. ꞋEn be nuzjut doo ka sih ndiz sghu ninya ꞌinkꞌez seooyaꞌ ꞌinkꞌez suzkeh buloo tubulh.

Genesis 32:3

ꞋEt Jacob dutso khuni nuꞌane ꞌenne dulhutsin Esau whuz whe balhꞌaꞌ, yun kꞌut Seir huwhutni-un Edom keyoh.

Genesis 32:8

ꞋInkꞌez ꞌutni, “Esau njan ꞌilhoh ꞌudulhne bughu ninya ꞌinkꞌez whe buninghan de, ꞌonghuni ꞌudun ulhꞌus-i ꞌi la yuchꞌa nintaoolhghas.”

Genesis 33:1

ꞋEt Jacob ndo yutanꞌen whe dulhutsin Esau ꞌaz de uyalh yutilhꞌen, dit whunizyai whunizyat (400) dune ꞌet ꞌuhultsuk, ꞌenne hiyulh udulh whe ꞌet duduzke lhkꞌebanla, Leah cha, Rachel cha ꞌinkꞌez nyoonne nane buba ꞌutꞌenne cha butabuninla.

Genesis 35:3

ꞋInkꞌez duzdodilh, ꞌinkꞌez Bethel tsꞌe uztoodilh. ꞋEt Yakꞌusda (El) tsꞌun loodel ꞌoosleh sih, mbe la dzin dzoh nuzut-un sulh ꞌutꞌen whe whesya.”

Matthew 10:16

“Whunulhꞌen, ꞌantsꞌi ꞌusbai yus yugha óolhꞌaz leꞌ hoontꞌoh tsꞌe whuz nohtisꞌaꞌ. ꞋEt huwa tlꞌughus kꞌunꞌa whunih oohleꞌ ꞌinkꞌez dutꞌai, dove huyulhni, ꞌi kꞌunꞌa nohbulh dune ndólhdaꞌ junih.

Matthew 8:26

ꞋEt ꞌubulhni, “Di ha whénulhjut? Nohbé ꞌalha whutꞌen-i soo ꞌúltus-i lhahtꞌiꞌ wheꞌ dahni.” Dudinya whe khuniti be hukwaꞌ yudániꞌ too ꞌinkꞌez nilhtsi bulh yatilhduk, ꞌinkꞌez ꞌawet dinghel.

John 16:33

ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

2 Corinthians 1:4

ꞋEt dzoh nutsꞌudeh-un whuchꞌa kꞌenáneniꞌah. ꞋEt huwa whuz unꞌa ꞌuyoonne hoontsiꞌ-un bughá honkat de, ꞌet de wheni cha Yakꞌusda ye kꞌenáneniꞌah-i, ꞌi gha kꞌenábuznoꞌah hubaꞌ hoontꞌoh.

2 Timothy 3:12

ꞋAlhaꞌ hoontꞌoh kꞌus mbe Christ Jesus ꞌen gha Yakꞌusda ba hutinalh hukwa ꞌutꞌenne, ꞌenne dune bube hútuzilalh wheꞌ hoontꞌoh.